Qaraǵandy oblysynyń Jezqazǵan qalasynda jas jigit jasóspirim qyzǵa pyshaq saldy. Ol osylaisha, barlyq boijetkennen ósh almaq bolǵan, dep habarlaidy "Ult aqparat".
3 maýsym kúni keshke qalalyq politsiia bólimine 14 jastaǵy mektep oqýshysy pyshaq jaraqatymen meditsinalyq mekemege jetkizilgeni týraly habarlama túsken. Jasóspirimniń baqytyna orai, alǵan jaraqaty aýyr bolmaǵandyqtan aýrýhanaǵa jatqyzylmaǵan. Oqiǵa jábirlenýshiniń úiiniń janynda bolǵan. Oǵan beitanys er adam taianyp, kenetten pyshaq salǵan. Osydan keiin shabýylshy qashyp ketken.
«Ýchaskelik politsiia inspektorlary saýatty jedel is-qimyl júrgize otyryp, izin sýytpai kúdikti – 20 jastaǵy jas jigitti ustady. Ol buzaqylyq nietpen jábirlenýshige dene jaraqatyn salǵanyn moiyndady. Qaskúnemniń aitýynsha, ol qyzdarmen qarym-qatynas qura almaǵan jáne olardan kek alýdy sheshken. Jas jigit pyshaqpen qarýlanyp, keshke qarai kóshege shyqqan. Onyń kózine birinshi bolyp atalǵan jábirlenýshi túsken. QR QK-niń 293-baby «Buzaqylyq« boiynsha qylmystyq is qozǵaldy. Tergeý júrip jatyr», - dep habarlady Qaraǵandy oblystyq Politsiia departamentiniń baspasóz qyzmetinen.
Qazirgi ýaqytta kúdiktige qatysty bultartpaý sharasy tańdalýda.
