Elektr jelilerin basqarý jónindegi qazaqstandyq kompaniia (KEGOC) eldiń ońtústiginde elektr qýatynyń jappai sónip qalý sebebin atady, dep habarlaidy "Ult aqparat".
«2022 jyldyń 25 qańtarynda saǵat 11.59-da (Nur-Sultan ýaqytymen) Ortalyq Aziia (Ózbekstan, Qyrǵyzstan) energiia júiesinde týyndaǵan aitarlyqtai apattyq teńgerimsizdiktiń saldarynan «Soltústik-Shyǵys-Qazaqstannyń ońtústigi» 500 kV elektr energiiasy tranzitine arnalǵan qýattyń tómendeýi oryn aldy.
Sonyń saldarynan «Soltústik-Shyǵys-Qazaqstannyń ońtústigi» tranzitiniń apatty bólinýi oryn alyp, Qazaqstannyń ońtústik aimaǵyndaǵy tutynýshylardyń basym bóligi úshin jaryq óshti. Shektelý kólemi shamamen 1 500 megavatty quraidy. Qazirgi ýaqytta júie operatory «KEGOC» AQ apatty joiý is-sharalaryn qabyldap jatyr», - delingen kompaniia aqparatynda.
