Qazaqstan musylmandary dini basqarmasy biylǵy qurban shalý rásimin túsindirdi, dep habarlaidy "Ult aqparat" muftyat.kz silteme jasap.
Qurban ait shilde aiynyń 20-22-si kúnderine týra keledi.
Dini basqarmanyń málimdeýinshe, 2021 jyly qurban shalý rásimin ótkizý eki jolmen júzege asyrylady:
1) memlekettik sanitarlyq-epidemiologiialyq qadaǵalaý organdary tarapynan ruqsat berilgen jergilikti qasaphanada sanitariia erejemin qatań saqtai otyryp qurban shalý rásimin oflain rejimde, iaǵni dástúrli jolmen uiymdastyrý.
2) búgingi pandemiia jaǵdaiynda qurban shalýshyǵa qolaily jaǵdai jasaý jáne kómekke muqtaj jandardy qoldaý maqsatynda ótken jyldyń tájirebesin qoldanyp, qurban shalý rásimin shariǵattaǵy «ókildik» qaǵidasyna sáikes qurban2021.kz saity arqyly onlain rejimde júzege asyrý.
«Jobanyń maqsaty – qaiyrymdylyqqa dáneker bolý, halyqtyń densaýlyǵy men ómirine tóngen qaýipti seiiltýge úles qosý, qurban shalýǵa niet bildirgen jandarǵa karantin jaǵdaiynda ońtaily jol usyný.
Ekinshiden, karantin jaǵdaiynda qalada turyp jatqan azamattar úshin qashyqtyqtan óz atynan qurban shalýǵa tapsyrys berý – ońtaily sheshim», delingen habarlamada.
QDMB aýyldyq jerde jeke turǵyn úide turatyn ár adamnyń musylmandyq mindetin atqarýyna eshqandai shekteý joq ekenin jetkizdi.
«Hanafi mázhabynda qurban ait kúnderi bai adamǵa qurban shalý – ýájip (mindet). Shariǵatymyz boiynsha «bai» dep mal-dúniesi nisap mólsherine jetken adamǵa aitylady. Nisap mólsheri – 40 qoi (eshki), 30 iri qara, 5 túie nemese qajettiliginen artyq 85 gr altyn (1 230 000 teńge) qarajat. Mal-dúniesi nisap mólsherine jetpegen, iaǵni jaǵdaiy tómen musylmanǵa qurban shalý mindet emes», delingen habarlamada.
Muqtaj otbasylar qurbandyq etin alý úshin qurban2021.kz saity arqyly biyl 20 shilde kúni ait namazynan keiin ótinish bildire alady. Muqtaj otbasylardyń ótinishin qabyldaý, saraptaý jáne qurbandyq etin jetkizip berýmen QMDB-nyń jergilikti ókildikteri ainalysady.
Qurbandyqqa shalynatyn túlik baǵasy jergilikti naryq baǵasymen kórsetiledi. Osy oraida elimizdiń ár aimaǵyndaǵy maldyń baǵasy ártúrli ekenin eskerý qajet
«Sait arqyly tapsyrys qabyldap, qurbandyq etin kómekke zárý jandarǵa taratý tájiribesi Saýd Arabiiasy, Túrkiia, Malaiziia, Indoneziia, Birikken Arab Ámirlikteri syndy birqatar musylman memleketterinde burynnan qalyptasqan júie. Bul jyl saiyn igi dástúrge ainalǵan. Jobanyń basty ereksheligi – qurbandyq etin túgeldei muqtaj azamattarǵa taratý», delingen habarlamada.
