قازاقستان مۇسىلماندارى دٸني باسقارماسى بيىلعى قۇربان شالۋ رەسٸمٸن تٷسٸندٸردٸ, دەپ حابارلايدى "ۇلت اقپارات" muftyat.kz سٸلتەمە جاساپ.
قۇربان ايت شٸلدە ايىنىڭ 20-22-سٸ كٷندەرٸنە تۋرا كەلەدٸ.
دٸني باسقارمانىڭ مەلٸمدەۋٸنشە, 2021 جىلى قۇربان شالۋ رەسٸمٸن ٶتكٸزۋ ەكٸ جولمەن جٷزەگە اسىرىلادى:
1) مەملەكەتتٸك سانيتارلىق-ەپيدەميولوگييالىق قاداعالاۋ ورگاندارى تاراپىنان رۇقسات بەرٸلگەن جەرگٸلٸكتٸ قاساپحانادا سانيتارييا ەرەجەمٸن قاتاڭ ساقتاي وتىرىپ قۇربان شالۋ رەسٸمٸن وفلاين رەجيمدە, ياعني دەستٷرلٸ جولمەن ۇيىمداستىرۋ.
2) بٷگٸنگٸ پاندەمييا جاعدايىندا قۇربان شالۋشىعا قولايلى جاعداي جاساۋ جەنە كٶمەككە مۇقتاج جانداردى قولداۋ ماقساتىندا ٶتكەن جىلدىڭ تەجٸرەبەسٸن قولدانىپ, قۇربان شالۋ رەسٸمٸن شاريعاتتاعى «ٶكٸلدٸك» قاعيداسىنا سەيكەس qurban2021.kz سايتى ارقىلى ونلاين رەجيمدە جٷزەگە اسىرۋ.
«جوبانىڭ ماقساتى – قايىرىمدىلىققا دەنەكەر بولۋ, حالىقتىڭ دەنساۋلىعى مەن ٶمٸرٸنە تٶنگەن قاۋٸپتٸ سەيٸلتۋگە ٷلەس قوسۋ, قۇربان شالۋعا نيەت بٸلدٸرگەن جاندارعا كارانتين جاعدايىندا وڭتايلى جول ۇسىنۋ.
ەكٸنشٸدەن, كارانتين جاعدايىندا قالادا تۇرىپ جاتقان ازاماتتار ٷشٸن قاشىقتىقتان ٶز اتىنان قۇربان شالۋعا تاپسىرىس بەرۋ – وڭتايلى شەشٸم», دەلٸنگەن حابارلامادا.
قدمب اۋىلدىق جەردە جەكە تۇرعىن ٷيدە تۇراتىن ەر ادامنىڭ مۇسىلماندىق مٸندەتٸن اتقارۋىنا ەشقانداي شەكتەۋ جوق ەكەنٸن جەتكٸزدٸ.
«حانافي مەزھابىندا قۇربان ايت كٷندەرٸ باي ادامعا قۇربان شالۋ – ۋەجٸپ (مٸندەت). شاريعاتىمىز بويىنشا «باي» دەپ مال-دٷنيەسٸ نيساپ مٶلشەرٸنە جەتكەن ادامعا ايتىلادى. نيساپ مٶلشەرٸ – 40 قوي (ەشكٸ), 30 ٸرٸ قارا, 5 تٷيە نەمەسە قاجەتتٸلٸگٸنەن ارتىق 85 گر التىن (1 230 000 تەڭگە) قاراجات. مال-دٷنيەسٸ نيساپ مٶلشەرٸنە جەتپەگەن, ياعني جاعدايى تٶمەن مۇسىلمانعا قۇربان شالۋ مٸندەت ەمەس», دەلٸنگەن حابارلامادا.
مۇقتاج وتباسىلار قۇرباندىق ەتٸن الۋ ٷشٸن qurban2021.kz سايتى ارقىلى بيىل 20 شٸلدە كٷنٸ ايت نامازىنان كەيٸن ٶتٸنٸش بٸلدٸرە الادى. مۇقتاج وتباسىلاردىڭ ٶتٸنٸشٸن قابىلداۋ, ساراپتاۋ جەنە قۇرباندىق ەتٸن جەتكٸزٸپ بەرۋمەن قمدب-نىڭ جەرگٸلٸكتٸ ٶكٸلدٸكتەرٸ اينالىسادى.
قۇرباندىققا شالىناتىن تٷلٸك باعاسى جەرگٸلٸكتٸ نارىق باعاسىمەن كٶرسەتٸلەدٸ. وسى ورايدا ەلٸمٸزدٸڭ ەر ايماعىنداعى مالدىڭ باعاسى ەرتٷرلٸ ەكەنٸن ەسكەرۋ قاجەت
«سايت ارقىلى تاپسىرىس قابىلداپ, قۇرباندىق ەتٸن كٶمەككە زەرۋ جاندارعا تاراتۋ تەجٸريبەسٸ ساۋد ارابيياسى, تٷركييا, مالايزييا, يندونەزييا, بٸرٸككەن اراب ەمٸرلٸكتەرٸ سىندى بٸرقاتار مۇسىلمان مەملەكەتتەرٸندە بۇرىننان قالىپتاسقان جٷيە. بۇل جىل سايىن يگٸ دەستٷرگە اينالعان. جوبانىڭ باستى ەرەكشەلٸگٸ – قۇرباندىق ەتٸن تٷگەلدەي مۇقتاج ازاماتتارعا تاراتۋ», دەلٸنگەن حابارلامادا.
