Túrkistan oblysy Qazyǵurt aýdanynda eki oqýshy tóbelesip, bireýi kóz jumdy, dep habarlaidy "Ult aqparat" oblystyq politsiia departamentine silteme jasap.
18 aqpan kúni saǵat 13:30 shamasynda Túrkistan oblysy Qazyǵurt aýdany Q.Sátpaev atyndaǵy mektep-litseii qazaq synybynda oqityn eki bala arasynda janjal týyndaǵan. Sosyn bireýi ekinshisin iterip jibergen.
«Qulaǵan bala ornyna turmaǵan soń ekinshi jasóspirim qoryqqanynan úiine qashyp ketken. Osy sátte qulaǵan balaǵa alǵashqy meditsinalyq kómek kórsetildi. Degenmen, jedel járdem qyzmeti kelgen soń oqýshynyń qaitys bolǵanyn anyqtady» dep málim etti politsiia departamentiniń baspasóz qyzmeti.
Qazyǵurt aýdandyq politsiia bólimi oqiǵa negizinde QR QK 104-baby «Abaisyzda qazaǵa ushyratý» boiynsha is qozǵady. Tergeý amaldary júrip jatyr. Saraptama taǵaiyndalǵan.
«Aita keteiik, QR QK 274-babyna sáikes BAQ-ta nemese áleýmettik jelide dáieksiz jalǵan aqpar taratqan tulǵaǵa qatysty qylmystyq jaýapkershilik qarastyrylǵan» dep eskertedi politsiiadan.
