Qazyǵurt aýdandyq politsiia basqarmasyna aýdan prokýratýrasynan qujattar kelip tústi. Onda jergilikti turǵyndardyń biri qaitys bolǵan ákesine memleket tarapynan tólenetin zeinetaqysyn zańsyz alyp kelgeni kórsetilgen. Bul týraly "Ult aqparat" Túrkistan oblystyq PD baspasóz qyzmetine silteme jasap habarlaidy.
Ol 2 jyl 3 ai boiy ákesiniń zeinetaqysyn zańsyz alyp, memleketke 1 million 200 myńnan astam teńge shyǵyn keltirgen. Atalǵan jait QR QK-niń 190-baby «Alaiaqtyq» boiynsha tirkeýge alyndy.
Aqparat alysymen politseiler kúdikti turǵynnyń jeke basyn anyqtady. Ony turǵylyqty mekenjaiynan ustap, APB-ne jetkizdi. Er adam óz kinásin tolyq moiyndady. Búginde turǵyn memleket tarapynan 2 jyl buryn dúnieden ótken ákesiniń atynan alyp otyrǵan aqshany qaitarǵan.
