Túrkistan oblysynyń politseileri «VKontakte» qoldanýshylarynyń biri ekstremistik baǵyttaǵy dini aýdio jáne beinematerialdardy jariialap, taratqanyn anyqtady, dep habarlaidy QazAqparat.
Túrkistan oblysy politsiia departamenti ekstremizmge qarsy is-qimyl basqarmasy men ulttyq qaýipsizdik komiteti oblys boiynsha departamentiniń qyzmetkerleri birlesken jedel shara nátijesinde Qazyǵurt aýdanynyń turǵynyn qolǵa túsirdi.
Kúdiktiniń úiin tintý barysynda jedel ýákilder dini mazmundaǵy ádebietterdi, diskiler men uialy telefondardy taýyp, tárkiledi.
Bul jaitty tártip saqshylary tirkep, saraptamaǵa joldady.
Nátijesinde anyqtalǵan materialdarda terrorizm men ekstremizmdi nasihattaý belgileri bar ekeni rastaldy.
Qazirgi ýaqytta QK 256-baby 2-bóligi «terrorizmdi nasihattaý nemese terrorizm aktisin jasaýǵa jariia túrde shaqyrý» boiynsha sotqa deiingi tergeý amaldary júrgizilip jatyr.
Kúdikti qamaýǵa alyndy.
