Qara shańyraǵymyz ál-Farabi atyndaǵy Qazaq Ulttyq ýniversiteti, Ó.Joldasbekov atyndaǵy stýdentter saraiynda «Suńqar» stýdentter men magistranttar kásipodaǵynyń QB uiymdastyrýymen «Suńqar kýbogy SSP» chempionatynyń jartylai finaldyq kezeńi ótti.
Jartylai finaldyq kezeń qatysýshylary «Aqpen birge», «Álem», «Everest», «Fizteh», «Mamasynyń balalary», «Mehmat», «Brend», «Mýzykanttyń qoiyn dápteri», «Elita» komandalary boldy. Jobanyń maýsymashar kezeńinen iriktelgen osy 9 komanda óner súier kópshilikke óz deńgeiinde keremet oiyn úlgisin kórsetip, 2 kezeń boiynsha synǵa tústi.
Sálemdesý kezeńi PreFace negizinde komandalar rettilik nómirleri boiynsha keshtiń kórkin qyzdyrsa, ekinshi kezeń «Mýzykalyq úi tapsyrmasy» arqyly jobanyń maqsatyna sai komandalar tek ázilmen emes, ózderiniń bilimdilikterimen, logikalyq oilaý qabiletterimen kórermen qaýymdy ózindik tyń jańalyqtarymen tánti etti.
Komandalarǵa óziniń ádil baǵasyn berip, tórelik etken ádilqazylar qatarynda «Bugin Group» kompaniiasynyń direktory Aibek Qýatbaev, telejúrgizýshi, belgili jýrnalist Gúlnaz Aýdanbaeva, Qazaqstan KVN odaǵy RJQB, «Almaty KVN» filialynyń direktory Ońdasyn Dinmuhanbetuly, akter, belgili shoýmen, «Jaidarman» oiyndarynyń chempiony Nursultan Jaqsygen, ál-Farabi atyndaǵy QazUÝ-dyń áleýmettik tárbie jumysy jónindegi basqarma basshysy Talǵat Bolatuly, «Suńqar» stýdentter men magistranttar kásipodaǵynyń QB tóraǵasy Shuǵyla Meirambekqyzy boldy.
Mega jobanyń shymyldyǵyn ashqan «Suńqar» stýdentter men magistranttar kásipodaǵy músheleriniń arnaiy fleshmobynan bastap, kesh júrgizýshisi Dámir Myrzahmetulynyń kóńildi júzi men sózi, daiyndyqtarynan-aq baiqaýǵa bolatyn chempion bolýǵa umtylǵan jobaǵa qatysýshy komandalardyń ózindik maqsattary, obrazdary kórermen qaýymnyń yqylasyna bólene, uiymdastyrýshylardyń joba barysyna asqan jaýapkershilik tanytqandaryn aiqyndai tústi.
Jartylai finaldyq kezeń nátijesi boiynsha, «Eń úzdik kreativti shaqyrý» nominatsiiasyn aqparatyq tehnologiialar jáne mehanika-matematika fakýltetteriniń «Mamasynyń balalary» komandasy enshiledi. Al «Eń úzdik jankúier» nominatsiiasy aqparattyq tehnologiialar fakýltetine buiyrdy.
Jartylai finaldyq kezeńde jalpy ball kórsetkishteri boiynsha ozyq nátije kórsetken «Aqpen birge», «Everest», «Fizteh», «Brend», «Mýzykanttyń qoiyn dápteri» komandalary «Smart student’s project» chempionatynyń grand finalyna joldama aldy.
Jartylai finalda belsendilik tanytqan «Álem», «Mamasynyń balalary», «Mehmat, «Elita» komandalaryna demeýshilerdiń, onyń ishinde «Jas sahna» teatrynyń, «Dám áýeni» konditerlik úiiniń, «Krapiva» boýling ortalyǵynyń arnaiy sertifikattary jáne «Suńqar» SmM kásipodaǵynyń alǵys hattary tabys etildi.
Jalpy, «Suńqar» stýdentter men magistranttar kásipodaǵynyń mega jobalaryna «Bugin Group» kompaniiasy, «Dostyk Travel» kompaniiasy, «Step-by-step» til bilimi ortalyǵy, Almaty qalalyq «Parasat» kásipodaǵy turaqty demeýshiligin kórsetedi.
"Suńqar kýbogy" Smart student's project jobasynyń basty maqsaty - stýdent jastardyń kópshilik bile bermeitin talanttaryn ashý, jastardy úlken sahnaǵa baýlý, jańasha oilaityn, kreativti ideialary bar jastar legin kóbeitý. Bul maqsat tolyqtai oryndalyp, QazUÝ jastarynyń damýyna óz múmkindigin syilap keledi. Jandana ber, Smart student’s project!
Jaqsybai J.Á
Askarova Z.A
Srailova G.T
Abylaihanova N.T
