Ál-Farabi atyndaǵy Qazaq ulttyq ýniversitetinde stýdentter men túlekterdiń «Máńgilik el» qaqpasynyń resmi ashylý saltanaty ótti, dep habarlaidy "Ult aqparat" baspasóz qyzmetine silteme jasap.
Sharaǵa Almaty qalasynyń ákimi B.Baibek, QazUÝ rektory Ǵ.Mutanov, Rio Olimpiadasynyń chempiony D.Balandin, JOO Túlekter qaýymdastyǵynyń prezidiým músheleri, oqytýshylar men stýdentter, qoǵam jáne BAQ ókilderi qatysty. Belgili qoǵam qairatkerleri, ýniversitettiń tanymal túlekteri – QR Mádeniet jáne sport ministrliginiń jaýapty hatshysy Q.Ýáliev, aqyn O.Súleimenov, QR memleket qairatkerleri – K.Saǵadiev pen A.Arystanbekova, «Forbes» shyǵarýshysy A.Baitasov, metsenat N.Smaǵulov jáne basqalar keshtiń qadirli qonaqtary boldy.
«Almaty – bizdiń táýelsizdigimizdiń altyn besigi. Bul – el damýynyń tabysty jolyn aiqyndaǵan mańyzdy memlekettik sheshimder qabyldanǵan qala. Alma qalasy árbir adamnyń jaily ómir súrýi úshin qurylǵan. Almaty – jastyq jalynnyń, jańa innovatsiialardyń qalasy. Onyń damý jolynda ál-Farabi atyndaǵy QazUÝ-dyń alar orny erekshe, sebebi bizdiń qalamyzdyń árbir úshinshi stýdenti osy ýniversitette bilim alady. Olar Elbasy Nursultan Nazarbaevpen birge qýatty Qazaqstandy qurýǵa qatysýda. Saltanatty qaqpa – búgingi tańda biz túnde jaryqtandyrǵan qalanyń 33-shi nysany. Bul kún tarih enshisine ainalady, sonda biz túlekterdiń jetistikterimen maqtanatyn bolamyz», – dep Almaty qalasynyń ákimi Baýyrjan Baibek QazUÝ ujymy men stýdentterin quttyqtady.
Aqyn Oljas Súleimenov: «Men Sizderdi osynaý keremet arhitektýralyq týyndynyń ashylýymen quttyqtaimyn. QazUÝ qalashyǵynyń jalpy kórinisimen tamasha úilesip turǵan saltanatty qaqpanyń ásemdigi kózdiń jaýyn alady. Bul – jastar úshin bilim álemine aparatyn altyn qaqpa», – dep óz áserin bólisti.
Saltanatty qaqpa Memleket basshysy, ult kóshbasshysy Nursultan Ábishuly Nazarbaevtyń «Máńgilik el» ideiasyn beineleitin jáne Almaty qalasynyń taǵy bir kórikti mekenine, bilim men ǵylymnyń simvolyna ainalatyn QazUÝ qalashyǵy jańa arhitektýralyq kesheniniń mańyzdy quramdas bóligi bolyp tabylady.
«QazUÝ qalashyǵynda qaqpany turǵyzý ideiasy ýniversitet túlekteriniń qoldaýymen jáne sol azamattardyń erikti salymdary arqasynda júzege asty. Saltanatty qaqpa otansúigishtiktiń, el táýelsizdiginiń órkendeýi men nyǵaiýynyń tereń maǵynasyn bildiredi. Ol Qazaqstan Táýelsizdiginiń 25 jyldyǵy men Almaty qalasynyń 1000 jyldyq mereitoiyna jáne QazUÝ-dyń halyqaralyq zor jetistikteriniń qurmetine salyndy», – dedi QazUÝ rektory Ǵalym Mutanov.
Arhitektýralyq josparǵa sai QazUÝ-dyń basty qaqpasy ýniversitettiń ortalyq alleiasynyń aýmaǵyn kómkerýshi doǵa tárizdes klassikalyq propileiler pishininde jasalǵan. Saltanatty qaqpanyń aldyńǵy jaǵy ulttyq naqysh pen QazUÝ simvolyn qoldaný arqyly klassikalyq úlgide árlengen. Propileiler de klassikalyq orderlik dekormen bezendirilgen jáne nysan antikalyq dáýirdegi ǵylym bastaýyn beineleidi.
Aita keterligi, Ál-Farabi atyndaǵy QazUÝ qalanyń arhitektýralyq jáne stildik keipin kórkeitýde, kórkem árleý máselesinde Almaty qalasymen ortaq saiasatty ustanady.
Stýdentter men túlekterdiń saltanatty qaqpasy – «Máńgilik el» ideiasymen biriktirilgen biregei qurylymnyń quramdas bóligi. Onyń negizgi kompozitsiialyq jelisi qaqpadan, ál-Farabi eskertkishinen, «Temir qazyq» monýmenti men «Taiqazan» sý burqaǵy ornalasqan alańnan turady. Qalashyq aýmaǵyn kórkeitýde ýniversitettiń ortalyq alańyn «ótkennen bolashaqqa ǵylym joly» qaǵidasymen salý josparlanǵan.
Ult portaly
.jpeg)