«QazTrans Oil» AQ ákimshilik is qozǵalǵan soń tarifin tómendetti, dep habarlaidy QazAqparat QR Energetika ministrligi Tabiǵi monopoliialardy retteý komitetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, «Tabiǵi monopoliialar týraly» Qazaqstan Respýblikasynyń Zańyna sáikes, «QazTransOil» AQ-y tabiǵi monopoliia sýbektisi retinde jyl saiyn esepti kezeńnen keiingi jyldyń 1 mamyrynan keshiktirmei, QR UEM Tabiǵi monopoliialardy retteý komitetine bekitilgen tariftik smetanyń oryndalýy týraly esep berýge mindetti.
Osylaisha, «QazTransOil» AQ-nyń 2020 jyldyń Qazaqstan Respýblikasynyń ishki naryǵyna magistraldyq qubyr arqyly munai aidaý qyzmetine tariftik smetanyń oryndalýy týraly esepti taldaý qorytyndysy boiynsha, shyǵyndary ýákiletti organ bekitken mólsherlerden bes paiyzdan astam oryndalmaýy anyqtaldy jáne Qazaqstan Respýblikasy Ulttyq bankiniń qaita qarjylandyrý mólsherlemesin (9,75%) eskere otyryp, negizsiz kiristiń jalpy somasy 370 mln. teńgeden astam somany qurady.
Nátijesinde, Tńbi,i monopoliialardy retteý komiteti qosymsha qun salyǵyn esepke almaǵanda 1000 km-ge 1 tonna úshin 4 355,57-den 4328,04 teńgege deiin tómendete otyryp, QR ishki naryǵyna magistraldyq qubyr arqyly munai aidaý qyzmetterine ótemdik tarif engizdi, onda tómendeý 0,63%-dy qurady.
Sondai-aq, óz kezeginde, «Tabiǵi monopoliialar týraly» Qazaqstan Respýblikasynyń Zańyna sáikes tabiǵi monopoliia sýbektisi bekitilgen tariftik smetany oryndaýǵa mindetti.
Osyǵan bailanysty, tariftik smetanyń talaptaryn oryndamaǵany úshin, «QazTransOil» AQ-na qatysty Ákimshilik quqyq buzýshylyq týraly Kodeksiniń 164-babynyń 4-bóligi boiynsha ákimshilik is qozǵaldy. Bul rette, atalǵan quqyq buzýshylyq úshin aiyppul somasy 4,6 mln. teńgeni quraidy.
Alaida, «QazTransOil» AQ-y tariftik vedomstvonyń sheshimimen kelispei, ákimshilik quqyq buzýshylyq týraly isti qaraý týraly ótinishti Nur-Sultan qalasynyń Ákimshilik quqyq buzýshylyq jónindegi mamandandyrylǵan aýdanaralyq sotyna jiberdi.
