Mirbolat Aiýpov "Qazteleradio" AQ basqarma tóraǵasy bolyp taǵaiyndaldy, - dep habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
"Aqparat jáne qoǵamdyq damý ministriniń buiryǵy boiynsha Mirbolat Maratuly Aiýpov "Qazteleradio" AQ basqarma tóraǵasy bolyp taǵaiyndaldy", - delingen habarlamada.
Mirbolat Hairatuly Aiýpov 1963 jyly 26 tamyzda Qaraǵandy qalasynda dúniege kelgen. Máskeý injenerlik-fizika institýtynyń kibernetika fakýltetin bitirgen.
1986 jyldary Qaraǵandy Memlekettik tehnikalyq ýniversitetinde ǵylymi jáne oqytýshylyq qyzmetter atqardy.
1998 jyldary "Altel" AQ jáne "Qazaqtelekom" AQ kompaniialarynda basshylyq qyzmet atqarǵan. Ár jyldary "Transtelekom" AQ, "Zerde" Ulttyq infokommýnikatsiia holdingi" AQ, "Qazmedia ortalyǵy" basqarýshy kompaniiasy" JShS-in basqarǵan. Bailanys jáne telekommýnikatsiia, sondai-aq, televiziia tehnologiialary salasynda 20 jyldan astam basshylyq qyzmetterdi atqaryp keldi.
"Qurmet" ordeniniń, Qazaqstan Respýblikasyndaǵy basqa da birqatar medaldar iegeri, "Qurmetti bailanysshy" degen ataǵy bar.
Vedomstvo málimetinshe, "Qazteleradio" AQ basty maqsaty – halyqqa teleradio habarlaryn taratýdyń túrli jelilerinde memlekettik baǵdarlamalardy tegin qabyldaý múmkindigin qamtamasyz etý.
"Bul rette birinshi kezektegi mindetter tsifrlyq efir telehabaryn taratýdy engizý, jerseriktik teleradio habarlaryn taratý jelisin, memlekettik habar taratý jelilerin damytý, internet-habar taratýdy keńeitý jáne memlekettik aqparattyq saiasat júrgizýdi qamtamasyz etý", - delingen habarlamada.
