Foto: ashyq derekkóz
Aqparat agenttiginiń bas direktory Áset Mataev pen bas redaktor Amir Qasenov Freedom Finance kompaniiasynyń aryzy boiynsha kúdikti retinde tanylǵan.
Freedom Finance — tegi reseilik milliarder Timýr Týrlov basqaratyn kompaniia. Aryz kompaniia basshylyǵy tarapynan jasalǵan alaiaqtyq shemalar týraly jábirlenýshilerdiń sózderi negizinde jariialanǵan materialdarǵa bailanysty túsken.
Advokat Rena Kerimovanyń aitýynsha, Mataev pen Qasenovty protsessýaldyq talaptardy saqtamai kúdikti dep taný — óreskel zańbuzýshylyq.
«Adamdy onyń qatysýynsyz kúdikti dep taný úshin ol tergeýden boi tasalaýy nemese tergeý áreketterinen ádeii qashýy kerek. Al Mataev pen Qasenov eshqandai tergeýden qashqan joq», — dedi ol.
Redaktsiia qylmystyq is týraly tek 20 qarashada basqa BAQ arqyly bilgen, al is 18 tamyzda qozǵalǵan bolyp shyqty. Osylaisha, birneshe ai boiy politsiia QazTAG redaktsiiasynan jasyryn túrde qylmystyq isti tergep, birneshe saraptama júrgizgen. Bul — qoldanystaǵy normalardy buzý bolyp tabylady, sebebi redaktsiiaǵa birde-bir habar berilmegen.
Advokat Erlan Mákenovtiń aitýynsha, saraptama taǵaiyndaý týraly qaýlymen tanystyrý mindeti de oryndalmaǵan.
«272-baptyń 4-bóligine sáikes, saraptama taǵaiyndaýǵa quqyǵy bar organ qaýlymen kúdiktini, qorǵaýshyny, jábirlenýshini jáne kýágerdi tanystyrýy tiis. Tergeýshi bizdi QPK-nyń 274-babynda kórsetilgen quqyqtarymyzdan aiyrdy. Saraptama qaýlysymen kýágerdiń tek 21 qarashada tanystyrylǵany hattamamen rastalady», — dedi advokat.
Sonymen qatar, 21 qarashada kýáger mártebesindegi Qasenovpen sóilesken kezde tergeýshi Zamanbek Tazabekov suraqtardy «onyń basshylyǵyndaǵylar» daiyndap otyrǵanyn baiqamai aityp qoiǵan.
«Qandai adamdar sybyrlap otyrǵanyn (suraqtardy – KazTAG) ózderińiz túsinip turǵan shyǵarsyzdar», — dedi ol.
Al saraptama qaýlysyn redaktsiiaǵa der kezinde bermeý sebebi suralǵanda, Tazabekov: «Maǵan basshylyq solai tapsyrdy», — dep jaýap bergen.
QazTAG redaktsiiasy: qylmystyq istiń qozǵalǵany da, saraptamalardyń taǵaiyndalǵany da nege birneshe ai boiy jasyrylǵany áli belgisiz ekenin atap ótti.
Freedom Finance aryzy negiz bolǵan QazTAG jariialaǵan materialdardyń barlyǵy advokat Svetlana Oralbaevanyń jáne jábirlenýshiler — Gúlmira Isaeva, Janna Qaparova, Karina Gaifýlinanyń bergen aqparattaryna súiengen.
Redaktsiia 21 qarashada politsiiaǵa:
– jábirlenýshiler ózderi 2025 jyldyń 3 sáýirinde redaktsiiaǵa habarlasyp, burynǵy Freedom Finance basshylarynyń biri Vitalii Svetovqa qatysty qylmystyq is týraly jariialanǵan materialǵa bailanysty óz pozitsiiasyn jetkizýdi suraǵanyn;
– olardyń ózge BAQ-qa, qarjy naryǵyn retteý agenttigine (ARRFR), quqyq qorǵaý organdaryna jáne tipti Prezident ákimshiligine júgingenimen, jaýap ala almaǵanyn;
– eOtinish arqyly joldaǵan ótinishteriniń kóshirmelerin bergenin;
– QazTAG kompaniiaǵa birneshe ret resmi saýal joldaǵanymen, Freedom Finance maýsym aiyna deiin birde-bir ret jaýap bermegenin habarlaǵan.
Redaktsiia barlyq jariialanymdar aldynda zańda belgilengen talaptardy tolyq oryndaǵanyn atap otyr.
Buǵan qosa, QazTAG redaktsiiasyna IIM-niń Erjan Sadenovke jaqyn joǵary laýazymdy qyzmetkeriniń is jabylady jáne politsiia tarapynan eshqandai qýdalaý bolmaidy dep aitqany belgili boldy. Redaktsiia muny jýrnalisterdiń saqtyǵyn tómendetýge baǵyttalǵan áreket dep esepteidi.
