«KazSat-2» ǵarysh apparatyn josparly aýystyrýǵa arnalǵan «KazSat-2R» ǵaryshtyq júiesin qurý boiynsha qarjylyq-ekonomikalyq negizdeme jáne tehnikalyq tapsyrma ázirlenýde. Bul týraly QR Qorǵanys jáne aeroǵarysh ónerkásibi ministrliginiń baspasóz qyzmetinen málim boldy, dep habarlaidy QazAqparat.
«QR Qorǵanys jáne aeroǵarysh ónerkásibi ministrliginiń «Tsifrlyq Qazaqstan» memlekettik baǵdarlamasy aiasynda iske asyrylatyn perspektivalyq jobalarynyń biri - ol «KazSat-2» ǵarysh apparatyn josparly aýystyrýǵa arnalǵan «KazSat-2R» ǵaryshtyq bailanys júiesin qurý jáne paidalanýǵa berý» jobasy bolyp tabylady. Qazaqstan Respýblikasy úshin menshikti bailanys jáne habar taratý ǵaryshtyq júiesin qurýdyń jáne damytýdyń is júzindegi mańyzdy ári strategiialyq máni bar. «KazSat» seriialy ǵarysh apparattarynyń resýrstary bazasyndaǵy spýtniktik bailanys jelileri eldi qazirgi zamanǵy jáne sapaly bailanys qyzmetterimen 100 paiyz qamtýmen qatar, Qazaqstan Respýblikasynyń ulttyq qaýipsizdigin qamtamasyz etý boiynsha mańyzdy mindetti oryndap keledi», - delingen atalǵan vedomstvonyń málimetinde.
Belgili bolǵandai, «KazSat-2R» telekommýnikatsiialyq spýtnigin ǵarysh apparatyn paidalanýǵa bergen sátten bastap \ 86,5° sh.b pozitsiiasyndaǵy GSO-da ornalastyra otyryp, kem degende 15 jyl belsendi jumys isteý merzimimen iske asyrý josparlanyp otyr.
«KazSat-2R» ǴA resýrstary «Tsifrlyq Qazaqstan» memlekettik baǵdarlamasyn iske asyrý aýqymynda spýtniktik bailanystyń bekitilgen arnalaryn uiymdastyrý úshin qoldanylatyn bolady. Bul óz kezeginde internetke tegis keńjolaqty qoljetimdilikti, sonyń ishinde shalǵaidaǵy aýyldyq eldi mekenderiniń qoljetimdiligin qamtamasyz etýge jol ashady. Sondai-aq jaqynda ornalasqan memleketterge, iaǵni Tájikstannyń, Ózbekstannyń, Qyrǵyzstannyń tutynýshylaryna (memlekettik organdar, kúshtik qurylymdar, korporativtik jáne jeke sektorlar) telekommýnikatsiialyq qyzmetterdi berý maqsaty da kózdelip otyr», - dep atap ótilen ministrik habarlamasynda.
2016 jyly «RǴBO» AQ jobany iske asyrýǵa kiristi. Kompaniianyń mamandary investitsiialyq usynys ázirledi, ony QR Ulttyq ekonomika ministrligi maquldady. Qazirgi kezde «RǴBO» AQ «KazSat-2» ǵarysh apparatyn josparly aýystyrý úshin «KazSat-2R» ǵaryshtyq bailanys júiesin qurý jáne paidalanýǵa berý boiynsha qarjylyq-ekonomikalyq negizdeme jáne tehnikalyq tapsyrma ázirleýde.
Qazirgi ýaqytta «KazSat-2» jáne «KazSat-3» ulttyq ǵarysh apparattary sátti jumys istep tur, olardyń resýrstaryn 15 spýtniktik operator paidalanýda, Qazaqstannyń búkil aýmaǵy boiynsha spýtniktik bailanystyń 11 000 astam jerústi stantsiialary jumys isteýde.
Budan buryn habarlanǵandai, «KazSat-2R» spýtnigin qurastyrý sharalary 2020 jyly bastalady.
«KazSat-2» jer seriginiń jumys ýaqyty 2023 jylǵa deiin negizdelgen, iaǵni ol 12,5 jyl qyzmet etýi tiis (2011 jyly ǵaryshqa shyǵaryldy).
