«Qazposhta» AQ basqarma tóraǵasy bolyp Sáken Sársenov taǵaiyndaldy. Bul týraly QR Aqparat jáne kommýnikatsiia ministri Dáýren Abaev habarlady.
"Búgin Sáken Sársenov «Qazposhta» AQ Basqarma tóraǵasy laýazymyna taǵaiyndaldy.
Elimizdiń aqparattandyrý jáne telekommýnikatsiia salasyn damytýǵa úlken úles qosqan maitalman maman - Sáken Seitjapparuly óziniń jyldar boiǵy tájiribesin jańa qyzmette de tiimdi paidalanaryna sózsiz senimdimin", -dedi Dáýren Abaev óziniń Feisbýktegi paraqshasynda.
Sáken Seiitjapparuly Sársenov 1977 jyly 2 aqpanda dúniege kelgen. Máskeý memlekettik aviatsiialyq institýtyn «Aqparat óńdeý jáne basqarýdyń avtomattandyrylǵan júiesi» mamandyǵy boiynsha támamdaǵan.
Ár jyldary Kólik jáne kommýnikatsiia ministrliginde jumys istedi, Qarjy ministrligi «Qarjylyq júielerdi aqparattandyrý ortalyǵy» RMK aqparatty qorǵaýdy uiymdastyrý bóliminiń meńgerýshisi, «Ulttyq aqparattyq tehnologiialar» AQ basqarma tóraǵasynyń orynbasary, «Qazaqtelekom» AQ elektrondyq qyzmetter boiynsha basqarýshy direktory syndy laýazymdy qyzmetter atqardy.
Sonymen qatar, Bas prokýratýra quqyqtyq statistika jáne arnaýly esep jónindegi komitet tóraǵasynyń orynbasary, Bailanys jáne aqparat vitse-ministri, Kólik jáne kommýnikatsiia vitse-ministri, Bailanys jáne aqparat agenttigi tóraǵasynyń birinshi orynbasary, Investitsiialar jáne damý ministrliginiń aqparattandyrý jáne aqparat komitetiniń tóraǵasy bolyp eńbek etti.
