Poshta operatorynyń alǵashqy Qpost chat-boty post.kz saityna jáne Facebook-taǵy resmi paraqshasynda paida boldy, al 28 tamyzda ol Telegram-da qosylady, dep habarlady "Ult aqparat" «Qazposhta» AQ baspasóz qyzmetine silteme jasap.
Búgingi kúnge deiin kompaniia klientteriniń suraqtary men aryzdaryn 8 bailanys kanaly arqyly aldy, bul jaýap berý ýaqytyn edáýir arttyratyn. Endi barlyq ótinishter úshin bir kiris kanaly paida boldy. Bul kanaldy chat-bottan basqa Sapa qyzmetiniń operatorlary baqylap, klientterge der kezde kómek kórsetedi.
Jasandy intellekt tehnologiialary men algoritmderin qoldana otyryp iske qosylǵan bizdiń virtýaldy kómekshimiz jiberilimderdi qadaǵalap, ornalasqan jerin habarlaidy, tarifter týraly aqparat beredi, poshta qyzmetin alýǵa bailanysty barlyq máseleler boiynsha keńes beredi.
Eger chat-bot klientke qajetti másele týraly aqparat bere almasa, ony Qazposhtanyń bailanys ortalyǵynyń operatoryna qosady.
Bizdiń onlain-kómekshimiz odan ári damyp, qyzmet kórsetý kezinde bilimin odan ári arttyrady. Ol neǵurlym kóp suranystardy óńdese, onyń jaýaptary tez jáne sapaly bolady.
