«Samuryq-Qazyna» AQ basqarmasynyń sheshimimen Serik Bolatuly Saýdabaev «Qazposhta» AQ basqarma tóraǵasy qyzmetine taǵaiyndaldy, dep habarlaidy "Ult aqparat" Úkimettiń resmi saityna silteme jasap.
Qanat Qaliuly Alpysbaev bergen ótinishine sáikes «Qazposhta» AQ basqarma tóraǵasy qyzmetinen bosatyldy.
Serik Saýdabaev 1977 jyly Almaty qalasynda dúniege kelgen. Abai atyndaǵy Almaty memlekettik ýniversitetin, Rysqulov atyndaǵy Qazaq ekonomikalyq ýniversitetin bitirgen.
Eńbek jolyn 2000 jyly aǵa zań keńesshisi qyzmetinen bastaǵan.
2002-2003 jyldary — «Astanatelekom» keńeitilgen servis ortalyǵynyń injeneri.
2003-2010 jyldary — «Qazaqtelekom» AQ-da túrli qyzmetter atqarǵan.
2010-2014 jyldary — «Samuryq-Qazyna» AQ kommýnikatsiialyq aktivterdi basqarý jónindegi direktory.
2014-2016 jyldary — «Samuryq-Qazyna» AQ kólik-kommýnikatsiia aktivterin basqarý jónindegi bas direktordyń orynbasary.
2016 jyldan bastap qazirgi ýaqytqa deiin — «Samuryq-Qazyna» AQ «Kommýnikatsiialar» direktsiiasynyń direktory.
2010 jylǵy shildeden bastap 2021 jylǵy aqpanǵa deiin — «Qazaqtelekom» Direktorlar keńesiniń múshesi.
2010 jylǵy shildeden 2014 jylǵy naýryzǵa deiin — «Qazposhta» Direktorlar keńesiniń múshesi.
2021 jylǵy aqpannan bastap qazirgi ýaqytqa deiin — «Kcell» Direktorlar keńesiniń múshesi.
2017 jylǵy tamyzdan bastap qazirgi ýaqytqa deiin — «QazCloud» JShS Baqylaý keńesiniń múshesi.
