Jaǵdaiǵa alǵashqylardyń biri bolyp pikir bildirgen rejisser Qanat Beisekeev Instagram-daǵy paraqshasynda "sandar mamanynyń" jumysyn synǵa aldy. Onyń sózinshe, "nýmerolog" óz salasynyń mamany emes. Rejisser "pikirtalas kezinde suraq qoiǵan oqýshyǵa synyptastary kúlip, muǵalimder balanyń aýzyn jabýǵa tyrysqany durys emes dep esepteidi". Ol qazirgi mektepterde mundai bolmaýy kerek ekenin aitty.
"Nýmerologiia fakýltativ saǵat aiasynda júrgizilse de, mektepte jalǵan ǵylym oqytylatynyna ashýlymyn", - dep qosty ol.
Qaznet qoldanýshylary syn aityp jatqan Talǵat Jumaǵulov ta jaǵdaiǵa qatysty oiyn aitty. 21 jastaǵy mamannyń sózinshe, ol №125 mektepke nýmerologiia taqyrybynda dáris ótkizýdi ózi suranǵan.
"Men nýmerolog emespin, sandyq psihologpyn (...)
Dáristen keiin oqýshyǵa jazyp, bir-birimizge óz kózqarasymyzdy túsindirý úshin kezdesý usyndym. Men bul balany adamdar durys túsingenin jáne mektepte býllingke ushyramaǵanyn qalaimyn. Óitkeni ol túsinigi mol, aqyldy bala. Adamdar muny basqasha túsinip qaldy, onyń ishinde bloger Beisekeevtiń maǵan "shabýyl jasaǵan" aýditoriiasy", - dedi Jumaǵulov.
№ 125 mektep direktory Shámshinur Bakieva bul dáris biyl 21 sáýirde ótkenin aitty. Is-shara joǵary synyp oqýshylarymen kásiptik baǵdar berý jumysy aiasynda ótkizilgen.
"Meniń oiymsha, qazirgi álemde balalarǵa bolashaq baǵytyn anyqtaýǵa kómektesý úshin, jastar tańdaýda qatelespeýi úshin barlyq jaǵynan mamandardy tartý qajet. Dáris óte qyzyq ótti, balalar suraqtaryn qoidy. Is-shara 30 minýtqa sozyldy, maman artyq eshteńe aitqan joq. Biz kezdesýge ózimiz qatystyq", - dedi direktor.
Almaty Bilim basqarmasy arnaiy jumys komissiiasyn qurǵandaryn málimdedi.
kollaj: Tengrinews.kz
