«QazMunaiGaz» UK» AQ qyzmetkerlerin qysqartýdy josparlap otyrǵan joq. Bul týraly búgin QMG Basqarma tóraǵasynyń orynbasary Dáýren Qarabaev aitty, dep habarlaidy "Ult aqparat".
«2021 jylǵa arnalǵan biýdjet óndiristik, kúrdeli, ákimshilik shyǵyndardy eskere otyryp ázirlengen. Sondyqtan munan ary qysqartý kózdelip otyrǵan joq. Aǵymdaǵy biýdjet barynsha teńgerimdi qalyptastyrylǵan. Soǵan orai munai baǵasy quldyrap ketken 2020 jyldyń basyndaǵydai, koronavirýs pandemiiasy taraǵan kezdegidei aýqydy qysqartý qazirgi ýaqytta josparlanyp otyrǵan joq», - dedi ol onlain brifing barysynda BAQ ókilderiniń saýalyna orai. .
Sonymen qatar ol kompaniia totaryndaǵy qyzmetkerlerdi ońtailandyrý máselesine de toqtalyp ótti.
«Óndiristik qyzmetkerlerdi qysqartqan joqpyz jáne qysqartýdy josparlaǵan da emespiz. Shyndyǵynda biz buǵan deiin bas keńse shtatyn, onyń ústine jalaqy mólsherin qysqartqan edik. «QazMunaigaz» kompanilar toby boiynsha qyzmetkerler sanyn arttyrý nemese qysqartý kózdelmeidi», - dedi Dáýren Qarabaev.
