"Kazkommertsbank" AQ "Qazaqstan Halyq Banki" AQ-pen biriktirý týraly sheshim qabyldandy. Mundai sheshim qarjy institýttary aktsionerleriniń birikken jinalysy barysynda qabyldanǵan, - dep habarlaidy "Ult aqparat" KASE saityna silteme jasap.
"Kazkommertsbank" AQ pen "Qazaqstan Halyq Banki" AQ-ty QR belgilegen zańnamaǵa sáikes jáne "Kazkommertsbank" AQ pen "Qazaqstan Halyq Banki" AQ aktsionerleriniń birikken jinalysynda qabyldanǵan sheshimge sáikes, bankterdi óz erkimen qaita uiymdastyrý týraly sheshim qabyldandy.
Sondai-aq, "Kazkommertsbank" AQ-tyń múligi (quqyqtary men mindetteri) "Qazaqstan Halyq Banki" AQ-qa ótetini aitylady.
"Qazaqstan Halyq Banki" AQ basqarma tóraǵasy Úmit Shaiahmetovaǵa "Qazaqstan Halyq Banki" AQ-tyń "Kazkommertsbank" AQ-qa óz erkimen birigetinine ruqsat beretin qujatqa qol qoiyp, barlyq ýákilettik organǵa jáne uiymdarǵa bankterdiń birigetini jaily qujatty joldaýǵa jáne taǵy basqa qajetti qujatttarǵa qol qoiýǵa ýákilettik berildi.
Al "Kazkommertsbank" AQ basqarma tóraǵasy Ýlfa Vokýrkýge "Kazkommertsbank" AQ-tyń "Qazaqstan Halyq Banki" AQ-qa óz erkimen birigýine ruqsat beretin qujatqa qol qoiyp, ony barlyq qajetti ýákiletti organǵa joldaýǵa jáne taǵy basqa qajetti qujattarǵa qol qoiýǵa ýákilettik berildi.
Eske sala keteiik, 2017 jyly Halyq banktiń direktorlar keńesi "Kazkommertsbankpen" birigý týraly sheshimdi maquldaǵan edi.
