Foto: QR MAM
«Astana Opera» teatrynyń Úlken zalynda «Nomad Inspiration» atty gala-kontsert ótti, dep habarlaidy Ult.kz.
«Astana Opera» teatrynyń balet trýppasy men etno-folklorlyq HasSak tobynyń birlesken jobasy «Operaliia» halyqaralyq mýzyka festivaliniń bir bóligine ainaldy.
«Astana Opera» teatrynyń balet ártisi, jarqyn ári jas horeograf Sultanbek Ǵumardyń erekshe ideialary, HasSak ansambli, sondai-aq kompozitor Hamit Shańǵalievtiń aspaptyq mýzykasy úilesim tapqan kesh boldy.
Qala turǵyndary men qonaqtary «Astana Opera» balet trýppasynyń oryndaýyndaǵy biregei horeografiialyq qoiylymdardy tamashalady. Atap aitqanda, A.Raiymqulovanyń mýzykasyna qoiylǵan «Máńgúrt» qoiylymynda balet solisi Serik Naqysbekov pen ártis Limara Aidarova óner kórsetti.
Kesh baǵdarlamasynda sondai-aq HasSak ansambliniń mýzykasyna qoiylǵan «Toi bastar», «Aralym», «RUH», jáne H. Shańǵalievtiń mýzykasyna jazylǵan «Álem» týyndylary boldy.
Joba avtorlarynyń aitýynsha, mundai bastamalardyń iri halyqaralyq festivalder aiasynda usynylýy qazaqstandyq mádenietti álemdik sahnada keńinen nasihattaýǵa yqpal etedi.
