Qazirgi ýaqytta óz kúshińe súiený saiasatyn júrgizý múldem múmkin emes. Bul týraly QR Prezidenti Qasym-Jomart Toqaev Sankt-Peterbýrg Halyqaralyq ekonomikalyq forýmynda aitty, dep habarlaidy QazAqparat.
«Saiasi bolsyn, onyń ústine investitsiialyq, saýda-ekonomikalyq bolsyn halyqaralyq yntymaqtastyqty jaqtaimyn. Men bul jaiynda búgin sóz sóileýimde de aittym. Eger bir baǵytta eshteńe ónbese, onda basqa baǵytta ketý qajet. Óitkeni, álem sondai. Qazir óz kúshińe súiený saiasatyn júrgizý múldem múmkin emes. Shyndyǵynda, taza kúide importty almastyrý - joq. Múmkindikterdi basqa naryqtardan belsendi túrde izdep, bir-birimen ózara is-qimyl jasaý qajet», - dep atap ótti Memleket basshysy.
Toqaev Qazaqstan úshin Qytai naryq retinde úlken mánge ie ekenin atap ótti. Qazaqstanda óndiriletin kóptegen taýardyń ol elde úlken suranysqa ie ekendigine basa nazar aýdartty.
«Sondyqtan Qazaqstan Qytaimen ózara qarym-qatynasyn baǵalaidy jáne senimdi seriktes sanaidy», - dedi Prezident.
