«Memleket basshysy Qasym-Jomart Toqaevtyń «memlekettik qyzmetke qazaq tilin jetik biletinder taǵaiyndalýy kerek» degen sózi kóńilge qýanysh uialatady». Prezidenttiń suhbatyna qatysty SQO Tilderdi oqytý ortalyǵynyń ádiskeri Aqjarqyn Esenova osyndai pikir bildirdi.
«Memleket basshysy Qasym-Jomart Toqaev «Ana tili» gazetine bergen «Qazaq halqynyń taǵdyry tarih tarazysynda tur» atty suhbatynda halyqaralyq qoǵamdastyqtyń aldynda kemshin ult retinde kórinbeý úshin qandai qadamdar jasaý kerek ekendigin tizbektep berdi. Sonyń ishinde eń bastysy memlekettik qyzmetke qazaq tilin jetik biletinder taǵaiyndalýy kerek, tilge degen qajettilikti arttyrǵan jón deýi qýantady», - deidi ol.
Sondai-aq, Aqjarqyn Esenova qazaq tilin bilý ómir qajettiliginen týyndasa, ár adam tildi óz erkimen, óz nietimen jeńil meńgeretinin, al májbúrlep oqytsa, nátijesi shamaly bolatynyn atap ótti.
Odan bólek ádisker tilimizdiń tuǵyry biik bolýy úshin qadamdar ret-retimen jasalýy keregin tilge tiek etti.
