QR Prezidenti Qasym-Jomart Toqaev Qazaqstandaǵy tótenshe jaǵdai rejiminiń merzimi týraly aityp berdi, dep habarlaidy QazAqparat.
«Tótenshe jaǵdai 2020 jyldyń 16 naýryzynda tańerteńgi 8-den bastalady jáne 30 kúnge sozylady. Qajet bolǵan jaǵdaida rejim uzartylýy múmkin. Arnaiy Jarlyqta qajetti aldyn-alý jáne aldyn-alý sharalary qarastyrylǵan», - dedi Memleket basshysy.
Onyń aitýynsha, qoǵamdyq tártipti qorǵaý kúsheitilip, buqaralyq sharalardy ótkizýge tyiym salyndy.
«Kóptegen qazaqstandyqtar aldaǵy merekelerge jospar qurdy, kei adamdar kontsertterge, kei adamdar sport jarystaryna qatysqysy keldi. Ókinishke qarai, barlyǵymyzdyń densaýlyǵymyz úshin shekteý jasaýǵa týra keledi», - dedi Prezident.
Buǵan deiin Prezident otandyq kásipkerlerdi qoldaýǵa jáne jańa jumys oryndaryn qurýǵa eń kemi 300 mlrd teńge bólinetinin habarlaǵan edi.
Ishki naryqty toltyryp, óndiristi yntalandyrý úshin «Qarapaiym zattar ekonomikasy» baǵdarlamasyn qarjylandyrý artady.
Sondai-aq, Prezident koronavirýs pandemiiasyna qatysty tótenshe jaǵdai boiynsha Jarlyq qabyldady.
