«Qazgidromet» RMK sý tasqynyna qatysty boljamyn jariialady, dep xabarlaidy QazAqparat tilshisi.
Mekeme basshysy Marat Kynatovtyń aitýynsha, búginde birqatar oblystarda sý kólemi artyǵymen jinalyp qaldy. Atap aitqanda, Qaraǵandy oblysynda Nura men Keńgir ózenderinde, Aqmola oblysynda Esil men Shaǵalyda, Soltústik Qazaqsanda Esil ózeninde, Qostanai oblysynda Toǵyzaq pen Torǵaida, Aqtóbe oblysynda Qosistekte, sondai-aq, Batys Qazaqstanda Ýtva, Chija-2, Derqul men Shaǵan ózenderinde sýdyń normasy 120-170 paiyzǵa artyq bolyp tur.
«Ásirese, Batys Qazaqstan erekshe baqylaýǵa alyndy. Ol jaqta sýdyń jinalý kólemi normadan eki esege artyq, al ótken eki jylmen salystyrǵanda eki-úsh esege kóp bolyp tur», - dedi M.Kynatov Astanada ótken baspasóz máslixatynda.
Qazgidromettiń málimetine sáikes, qazirdiń ózinde Qaraǵandy oblysynda Samarqand pen Keńgir sý qoimalary 73-82 paiyzǵa, Soltústik Qazaqstannyń Sergeev qoimasy 94 paiyzǵa, al Shyǵys Qazaqstandaǵy Shúlbi qoimasy 89 paiyzǵa tolyp tur.
«Sol sebepti atalǵan sý qoimalaryna quiylatyn ózenderde sý tasýy qaýpi bar», - dep atap kórsetti M.Kynatov.
