QR Ekologiia, geologiia jáne tabiǵi resýrstar ministriniń 2020 jylǵy 10 naýryzdaǵy №119 buiryǵymen Danara Qizatqyzy Álimbaeva «Qazgidromet» sharýashylyq júrgizý quqyǵyndaǵy respýblikalyq memlekettik kásipornynyń Bas direktory laýazymyna taǵaiyndaldy, dep habarlaidy "Ult aqparat"Qazgidromettiń baspasóz qyzmetine silteme jasap.
1922 jyly qurylǵan Qazaqstan Respýblikasynyń Gidrometeorologiialyq qyzmetiniń tarihynda alǵash ret áiel basshy bolyp taǵaiyndaldy. Dúniejúzilik meteorologiialyq uiymnyń (DMU) quramyna kiretin 192 eldiń ishinde D.Q. Álimbaeva osyndai uiymdy basqaratyn názik jandardyń ekinshi ókili.
Dinara Qizatqyzy Álimbaeva 1977 jyly 8 tamyzda dúniege kelgen, «meteorologiia» jáne «qarjy» mamandyqtary boiynsha eki joǵary bilimi, sondai-aq «qoldanbaly ekologiia» baǵyty boiynsha magistr dárejesi bar.
Eńbek jolyn 2002 jyly «Qazgidromet» RMK-da tehnik-meteorolog laýazymynan bastady.
2003-2009 jj. injener-meteorolog, 1 sanatty injener-meteorolog, jetekshi injener meteorolog, Meteorologiia basqarmasynyń basshysy boldy.
2011-2015 jj. Meteorologiia departamentiniń direktory, 2015-2017 jj. Ekologiialyq monitoring departamentiniń direktory laýazymynda qyzmet atqardy.
2017 jylǵy 18 qyrkúiekten bastap «Qazgidromet» RMK Bas direktorynyń orynbasary bolǵan.
