«Qazgidromet» RMK elimizdiń 4 óńirinde eskertý jariialady, dep habarlaidy "Ult aqparat".
Atap aitqanda, 19 shilde kúni Qostanai oblysynyń kei jerlerinde naizaǵai oinap, ońtústik-shyǵystan soqqan jeldiń kúshi naizaǵai kezinde 15-20 m/s jetedi. Burshaq kútiledi.
19 shildede Aqtóbe oblysy kei jerlerinde naizaǵai bolady. Naizaǵai kezinde soltústik-shyǵystan soqqan jeldiń ekpini 18 m/s jetýi yqtimal. Aqtóbe qalasynda 19 shilde kúni túnde naizaǵai kútiledi.
19 shildede táýlik boiy Túrkistan oblysynyń jekelegen aýmaqtarynda shyǵystan 15-20 m/s jyldamdyqpen jel soǵyp, oǵan shańdy daýyl aralasady. 21 shildege deiin óńirdiń basym bóliginde 40-43 gradýs qatty ystyq bolady.
19 shildede kúndiz Qyzylorda oblysynyń basym bóliginde, 20-21 shilde kúnderi kei jerlerde 43 gradýsqa deiin ystyq kútiledi. 19-21 kúnderi aralyǵynda tańerteń jáne kúndiz kei jerlerde soltústik-shyǵystan, shyǵystan 15-20 m/s ekpinde jel soǵyp, shańdy daýyl turady.
