Aýa raiynyń buzylýyna bailanysty 5 aqpanǵa birneshe óńirde eskertý jariialandy, dep habarlaidy "Ult aqparat" «Qazgidromet» RMK-ǵa silteme jasap.
Atap aitqanda, Nur-Sultan qalasynda kóktaiǵaq bolady. Ońtústik-batystan soǵatyn jeldiń ekpini 15-20 m/s artady.
Aqmola oblysynyń kei jerlerinde tuman, kóktaiǵaq, jaiaý burqasyn kútiledi. Ońtústik-batystan soǵatyn jeldiń kúshi 15-20 m/s jetýi yqtimal. Kókshetaý qalasynda joldarda kóktaiǵaq bolady. Ońtústik-batystan 15-20 m/s ekpinmen jel turady.
Túrkistan oblysynyń kei jerlerin túnde tuman basyp, kúndiz ońtústik-batystan soǵatyn jeldiń kúshi 15-20 m/s artady. Túrkistan qalasynda kúndiz 15-20 m/s jyldamdyqtaǵy jel kútiledi.
Shymkent qalasynda kúndiz ońtústik-batystan 15-20 m/s ekpinmen jel soǵady.
Qyzylorda oblysynyń kei jerlerinde tuman saqtalady. Ońtústik-shyǵystan, ońtústikten jel soǵyp, tańerteń jáne kúndiz onyń kúshi kei jerlerde 15-20 m/s jetýi yqtimal.
Qostanai oblysynyń kei jerlerinde tuman, kóktaiǵaq, burqasyn boljanady. Ońtústik-batystan jel soǵady, ekpini kei jerlerde 15-20, 23-28 m/s artýy múmkin. Qostanai qalasynda ońtústik-batystan 15-20 m/s kúshpen jel turady.
Aqtóbe oblysynyń kei jerlerinde tuman, kóktaiǵaq, túnde jaiaý burqasyn saqtalady. Ońtústik-batystan, ońtústikten soqqan jeldiń kúshi kei jerlerde 15-20 m/s bolady. Aqtóbe qalasynda túnde ońtústik-batystan, ońtústikten soqqan jeldiń ekpini 16 m/s saqtalady.
Batys Qazaqstan oblysynyń kei jerlerinde tuman, kóktaiǵaq kútiledi. Oral qalasynda sondai-aq tuman, kóktaiǵaq boljanady.
