Almaty oblysy Talǵar ózeninde balyqtardyń qyrylýynan soń Qazgidromet RMK ózen sýynan 3 synama alǵan, dep habarlaidy "Ult aqparat".
BAQ-ta jáne «Facebook» jelisinde Almaty oblysy Bazarkeldi aýyly janyndaǵy Talǵar ózeninde balyqtardyń qyrylýy men sýdyń qaraiýy týraly taralǵan beineaqparat boiynsha 27 mamyrda «Qazgidromet» RMK qalalyq filialy zerthanasynyń mamandary 3 núktede jospardan tys sý synamalaryn aldy. Olardyń birinshisi - «Adal Cút» JShS fermasynan 0,5 shaqyrym joǵary, ekinshisi - «Adal Cút» JShS fermasyna taiaý, úshinshisi «Adal Cút» JShS fermasynan 0,5 shaqyrym tómen tustan alynǵan.
«Jer beti sýynyń sapasyn taldaý 44 fizikalyq himiialyq kórsetkish boiynsha júrgiziledi. Onyń ishinde bas iondar, biogendi, organikalyq jáne organikalyq emes zattar, aýyr metaldar tekseriledi. Birinshi taldaý nátijeleri boiynsha sý temperatýrasy 25,1-26,4 ºC bolǵan. Sýtegi kórsetkishi 8,1-8,2, sýda eritilgen otteginiń shoǵyrlanýy qalypty mólsherde jáne 7,4-7,7 mg/dm3 diapazonynda, túsi – 6-7 gradýs, móldirligi – 20 sm, iisi – 1 ball, tabiǵi sýǵa tán emes iis (qi iisi) seziledi», - dep málim etti «Qazgidromet» RMK.
Qalǵan kórsetkishter boiynsha qosymsha aqparat 29 mamyrda belgili bolady. Ottegini biohimiialyq tutynýǵa taldaý nátijeleri 5 táýlik daiynalatynyna bailanysty onyń nátijesi 1 maýsymda jariialanady.
Eske sala ketsek, Talǵar ózeninde balyqtardyń qyrylǵanyn aityp jergilikti turǵyndar dabyl qaqqan. Ekologiialyq belsendi Olga Gýmirova videony Facebook paraqshasynda jariialady.
QR Ekologiia, geologiia jáne tabiǵi resýrstar ministrliginiń Orman jáne malsharýashylyǵy komitetiniń baspasóz hatshysy Sáken Dildahmettiń aitýynsha, 27 mamyrda Almaty oblysy Qapshaǵai qalasy territorialdyq inspektsiiasynyń memlekettik inspektorlary oqiǵa ornyna baryp, tekserý júrgizgen. Odan bólek sýdyń sapasyn anyqtaýǵa «Kazgidromet» RMK qyzmetkerleri zerthanalyq synama aldy.
Osyǵan uqsas oqiǵa Almatyda 26 naýryzda bolǵan edi. 28 panfilovshylar parkinde 20-30 kepter qyrylyp qalǵan.
Qala turǵyndary qustar dezinfektsiialyq zattardan ýlandy degen boljam aitty.
Alaida, Ulttyq referenttik ortalyq mamandary olardyń ólimine qatysty shyǵarǵan qorytyndyda himiialyq ýlanýdy joqqa shyǵardy.
«Qus tumaýy, Niýkasl indeti, orbitoz, hlamidioz, pasterioz siiaqty infektsiialyq aýrýlar joq ekendigi anyqtaldy. Qustardyń aǵzasynan aýyr metall tuzdary, hlor tabylmady. Olardyń asqazany bos bolyp shyqty», - dedi ortalyq mamandary.
