13-15 aqpan aralyǵynda Qazaqstannyń basym bóliginde aýa raiynyń nasharlaýy kútiledi, dep habarlaidy QazAqparat.
«Reseidiń Eýropalyq bóliginen atmosferalyq fronttardyń yǵysýyna bailanysty respýblikanyń soltústiginde qar jaýady, batystan ekpindi jel soǵady. Burqasynnan joldardy qar basyp, kórý múmkindigi nasharlaidy. Ońtústik jáne shyǵys óńirlerge Ortalyq Aziia aimaǵynan ońtústik tsiklon keledi. Onymen jaýyn-shashyn, tuman, kóktaiǵaq, shyǵysta qar men burqasyn kútiledi. Aýa temperatýrasy kópjyldyq mánnen 2…5°S-qa joǵary bolady. Al batysta – norma shamasynda», - delingen «Qazgidromet» RMK málimetinde.
