Gidrolog mamandardyń atap ótýinshe, 2019 jylǵy aqpan aiynyń sońynda qar jinalý protsesi jalǵasady. Meteostansalarda kóp jyl boiy júrgizilgen baqylaý málimetteri boiynsha, aqpan, naýryz jáne sáýirde bir táýlik ishinde jaýyn-shashynnyń bir ailyq normasy túsýi múmkin, dep habarlaidy "Ult aqparat" «Qazgidromet» RMK-ǵa silteme jasap.
«Aqpan aiynda jazyqtyqtaǵy ózenderde tasqyn bolý qaýpi 1 paiyzdy qurap otyr. Ailyq sinoptikalyq boljam boiynsha (durystyǵy - 20-80 paiyz), aqpannyń úshinshi onkúndiginde kúndiz jáne túnde aýa temperatýrasy kóterilip, óz kezeginde qardyń erýine, aǵynnyń qalyptasýyna jáne sý deńgeiiniń kóterilýine ákelip soqtyrady», - delingen habarlamada.
