QR Eńbek jáne halyqty áleýmettik qorǵaý ministrligi «Qazatomónerkásip» kompaniiasynyń ústinen tekserý júrgizedi. Bul jaiynda atalǵan ministrliktiń baspasóz hatshysy Qanat Qulshymanov Feisbýktegi paraqshasynda jazdy, dep habarlaidy "Ult aqparat".
Onyń jazýynsha, áleýmettik jelilerde «Qazatomónerkásip» UAK» AQ-nyń birneshe qyzmetkeriniń jalaqylaryn qysqartýǵa jáne razriadyn tómendetýge qatysty narazylyq bildirgen video-habarlamasy taralǵan.
«Qazaqstan Respýblikasy Kásipkerlik kodeksiniń 144-babynyń 3-tarmaǵynyń 6) tarmaqshasyna sáikes memlekettik organdardyń adam ómirine, densaýlyǵyna, qorshaǵan ortaǵa jáne jeke jáne zańdy tulǵalardyń, memlekettiń zańdy múddelerine ziian keltirý boiynsha naqty faktiler týraly jáne Qazaqstan Respýblikasy zańnamasynyń talaptaryn buzý boiynsha naqty faktiler týraly ótinishteri jospardan tys tekserýge negiz bolady. Atalǵan faktilerdi joimaý azamattardyń ómiri men densaýlyǵyna ziian keltirýge ákep soǵady. Osyǵan bailanysty, Qazaqstan Respýblikasynyń Eńbek jáne halyqty áleýmettik qorǵaý ministrligi Eńbek, áleýmettik qorǵaý jáne kóshi-qon komiteti «Qazatomónerkásip» UAK» AQ-da jospardan tys tekserý júrgizý týraly Nur-Sultan qalasynyń Qalalyq orta sapasy jáne baqylaý basqarmasyna hat joldady. Tekserý nátijeleri qosymsha habarlanady», - deidi ol.
