«Qazatomónerkásip» ulttyq atom kompaniiasy» AQ Ǵalymjan Pirmatov kompaniianyń Basqarma tóraǵasy qyzmetinen 2 qyrkúiekten bastap óz erkimen ketetinin málimdedi, dep habarlaidy "Ult aqparat" kompaniianyń saityna silteme jasap.
Basqarma tóraǵasynyń mindetin IaOTs jónindegi bas direktory Májit Beisembaiuly Sháripov atqarady.
«Samuryq-Qazyna» AQ atynan Ǵ.Pirmatov myrzaǵa óz isine berilgendigi jáne jumys kezeńde kompaniianyń damýyna qosqan eleýli úlesi úshin shynaiy alǵysymdy bildirgim keledi. Bizge onyń ýran salasyndaǵy baǵa jetpes tájiribesi men airyqsha nátijelerge qol jetkizý beiildiligi jetpeitini sózsiz. «Samuryq-Qazyna» AQ atynan jáne jeke óz atymnan Ǵalymjan Oljaiulyna bar jaqsylyq pen bolashaqta tabys tileimin»,- dep atap ótti «Samuryq - Qazyna» AQ-nyń Basqarma tóraǵasy Almasadam Satqaliev.
«Men el basshylyǵyna senim bildirgeni jáne kompaniiany tiimdi basqarý úshin usynylǵan múmkindik úshin zor alǵysymdy bildiremin. Kompaniia men búkil álemdik ýran salasy úshin osyndai kúrdeli ýaqytta Qazatomónerkásipti basqarý men úshin úlken abyroi boldy», - dep atap ótti Ǵ.Pirmatov.
Ǵalymjan Oljaiuly 2015 jyldan bastap Qazatomónerkásipte túrli laýazymdardy atqarǵan. Qazirgi ýaqytta IaOTs boiynsha Bas direktory Májit Sháripov memlekettik qyzmette jáne jeke sektorda túrli laýazymdarda, onyń ishinde QR Energetika jáne mineraldyq resýrstar ministrliginiń iadrolyq energetika jáne atom ónerkásibi departamentiniń direktory, QR Atom energiiasy agenttiginiń atom energetikasy jáne ónerkásibi departamentiniń direktory jáne Atom energiiasy komitetiniń tóraǵasy laýazymdarynda 31 jyldan astam jumys tájiribesi bar.
