Qazan aiynda eldegi jyldyq infliatsiia 8,9%-dy qurady. Bul týraly QazAqparat Ulttyń bankke silteme jasap habarlaidy.
Infliatsiianyń qyrkúiektegi deńgeide saqtaldy, biraq infliatsiia 4 óńirde ǵana ózgerissiz qaldy. 7 aimaqta infliatsiia jedeldep, 6-da baiaýlady.
Almaty men Almaty oblysy baǵanyń ósýine jalǵasýda. Olardyń TBI-degi úles salmaǵy – tym joǵary (tiisinshe 16,5% jáne 11,7%).
Túrkistan oblysynda (qyrkúiektegi 9,2%-dan qazanda 9,6%-ǵa deiin) jáne Soltústik Qazaqstan oblysynda (8,4%-dan 8,7%-ǵa deiin) meiilinshe tez qarqyn alǵany baiqaldy. Qalǵan óńirlerde jyldyq infliatsiianyń ózgerýi asa baiqala qoimady (+/-0,2%). Jyldyq infliatsiia 7 aimaqta jalpy respýblikalyq deńgeiden joǵary qalyptasty: Mańǵystaý oblysynda (9,9%), Qaraǵandy oblysynda (9,6%), Túrkistan oblysynda (9,6%), Atyraý oblysynda (9,2%), Aqtóbe oblysynda (9,2%), Aqmola oblysynda (9,0%) jáne Jambyl oblysynda (9,0%).
Biylǵy qazanda ailyq infliatsiia 0,7%-dy (qyrkúiekte – 0,4%) qurap, jedeldei tústi . Baǵanyń ósýine eń kóp úles qosqan – azyq-túlik taýarlary (0,31 p.t.) boldy. Azyq-túlikke jatpaityn taýarlardyń úlesi 0,25 p.t., aqyly qyzmetterdiń úlesi 0,14 p.t. boldy.
Jalpy alǵanda, elimiz boiynsha azyq-túlik taýarlarynyń baǵasy bir aida 0,7%-ǵa (qyrkúiekte – 0,1%) ósti. Osy toptaǵy taýarlar baǵasynyń eń joǵary ósimi Shyǵys Qazaqstan oblysynda (1,2%), Pavlodar men Soltústik Qazaqstan oblystarynda (1,1%-dan) qalyptasty.
