Qazaqtyń ulttyq kiimimen Helloýin merekesin toilaǵandardyń sýreti jelide shý shyǵardy, - dep habarlaidy kaz.tengrinews.kz tilshisi.
Áleýmettik jeli qoldanýshylary ulttyq kostiým kiip, keltterdiń ejelgi áýlieler kúni merekesiniń qurmetine orai boianǵan qyz ben jigittiń sýretine túrli baǵa berip jatyr.
Al keiin sýrette qazaqstandyq stilist Rafael Romen ekeni anyqtaldy. Ol Tengrinews.kz tilshisine bergen suhbatynda sýretke qatysty pikir bildire otyryp, qazaqtyń ertegilerindegi zulym keiipkerlerdiń obrazyn paidalanǵanyn, osylaisha qazaq jáne batys mádenietin osylaisha biriktirgisi kelgenin aityp berdi.
"Ulttyq kostiýmdi osylai interpretatsiialaýǵa bolmai ma eken? Bar álemde adamdar samýrai, geisha, shotland beldemshelerin kiedi, Alenýshka siiaqty shashyn ósiredi, Apachi úndisteri qanshama, Marii Antýanetter she? Bular da túrli halyqtardyń ulttyq kiimderi! Solar bireýdiń kóńiline tiip pe? (...) Muramyzben qyzyqty obrazdar jasaýǵa bolatynyn kórsetip berdik. Masqaralaý nemese bireýdiń shamyna tiiý týraly oiymyz bolǵan joq", - dedi Romen.
