Qazaqstan quramasynyń bas bapkeri Stanimir Stoilov Sports.kz basylymyna Ulttar ligasyndaǵy Latviia komandasyna qarsy matchqa daiyndyq týraly aityp berdi, dep jazady Sputnik.
Bas bapker suhbaty barysynda birneshe fýtbolshynyń matchqa qatysa almaityny týraly habarlaǵan.
"Evgenii Postnikov, Dima Shomko jáne Ian Vorogovskii jaraqatyna bailanysty qatysa almaidy. Sonymen birge Erkosh jattyǵý kezinde jaraqat alyp qaldy. Óte ókinishti, úsh aidai emdelýge týra keledi, operatsiia jasatýy tiis. Erteń operatsiia jasatý úshin Germaniiaǵa ketedi. Onyń ornyna kimdi shaqyratynymyzdy oilaimyz. Pertsýh, Ómirtaev jáne Antipovty shaqyrdyq. Olar rezervte bolǵan edi", — dedi Stoilov.
Qazaqstan quramasynyń bas bapkeri Latviia komandasy týraly pikirimen de bólisti.
"Latviia alǵashqy oiynda tańǵaldyrdy. Komandanyń óskeni baiqalady. Nátijesine qaramaý kerek. Shabýyl jasaǵanda ózderin batyl ustaidy", — deidi bapker.
Sóz sońynda Stanimir Stoilov bizdiń quramanyń jaqsy fýtbol kórsetip, oiyndaǵy óz stilin damytý kerektigin atap ótti.
