Qazaqstandyq UFC faiteri Jalǵas Jumaǵulov (14-6) heiterlerge jaýap berdi, - dep habarlaidy Tengrinews.kz agenttigi Vesti.kz saityna silteme jasap.
"Heiterler? Bular buryn da bolǵan. Uly Abai Qunanbaev 24-shi qara sózinde aityp ketken. Mentalitetimiz osy, ne isteimiz? Olar úshin oilana bermeimin. Al, meni shyn júrekten qoldaityndarǵa raqmet, Alla razy bolsyn.
Men únemi qazaqtyń kim ekenin bárine kórsetkim keletinin aitamyn jáne aita beremin. Qazir meniń mansabym onsha jaqsy emes shyǵar, biraq men qazaqtyń kim ekenin kórsetemin", - dedi Jumaǵulov.
Eske salaiyq, 5 maýsymda Qazaqstan ýaqyty boiynsha Jumaǵulov pen amerikalyq Djeff Molina arasynda jekpe-jek ótedi. Keiingi jekpe-jekte jeńilgen qazaqstandyqtyń kezdesýi aldyn ala kardta ótedi. Shoýdyń basty oqiǵasy Aleksandr Volkov pen Djairzino Rozenstraik arasyndaǵy jekpe-jek bolady.
