«Qazaqtelekom» úzdiksiz oqytý jáne qyzmetkerlerdiń biliktiligin arttyrý júiesin dáiekti túrde damytady. Osy baǵyttaǵy negizgi quraldardyń biri «Qazaqtelekom» AQ-nyń 2025 jylǵy Úzdik ámbebap mamany» respýblikalyq baiqaýy ótti, ol naǵyz kásipqoilardy anyqtap qana qoimai, korporativtik qundylyqtardy, komandalyq rýh pen jetildirýge degen umtylysty nyǵaitýǵa múmkindik beredi.
11-22 tamyz aralyǵynda elimizdiń barlyq óńirinde onlain formatta baiqaýdyń negizgi kezeńi – óńirlik irikteý týrlary ótti. Olarǵa Oral, Atyraý, Aqtaý, Aqtóbe, Shymkent, Taraz, Qyzylorda, Túrkistan, Taldyqorǵan, Almaty, Qonaev, Petropavl, Qostanai, Pavlodar, Óskemen, Semei, Astana, Qaraǵandy, Kókshetaý jáne Jezqazǵan qalalarynan «Qazaqtelekom» filialdary qatysty.
Irikteý qorytyndysy boiynsha sońǵy kezeńde óz óńirlerin usynatyn alty finalist komanda anyqtaldy. Ár komandaǵa «Jeli» birlestigi» divizionynan (JBD) jáne Bólshek biznes divizionynan (BBD) bir-bir maman kirdi.
«Qazaqtelekom» AQ 2025 «Úzdik ámbebap mamany» Respýblikalyq baiqaýynyń aqtyq oiynyna shyqqan qatysýshylar:
1. Ortalyq óńir - Qusaiynov Aidos (JBD) jáne Ákimjanov Dastan (BBD), Astana q.
2. Soltústik óńir - Sabodaj Ivan (JBD) jáne Kim Aleksei (BBD), Petropavl qalasy
3. Shyǵys óńir - Buqanov Ashat (JBD) jáne Asqarov Islam (BBD), Óskemen q.
4. Batys óńir - Jumabaev Arsen (JBD) jáne Ahmetqaliev Azamat (BBD), Aqtóbe qalasy
5. Ońtústik óńir - Ájimbetov Daniiar (JBD) jáne Mádelhan Nurdáýlet (BBD), Qyzylorda qalasy
6. Almaty óńiri -Muhamediiar Daniiar (JBD) jáne Júnisov Qanat (BBD), Almaty q.
«Kompaniianyń negizgi kúsh-qýaty – qyzmetkerlerinde: olardyń quzyretteri, qatysýy jáne tájiribelerimen bólisýge daiyn bolýy. «Úzdik ámbebap maman» baiqaýy búkil elimizde myqty kásipqoilarymyzdyń bar ekenin kórsetti jáne mamandardyń joǵary deńgeiin rastaý jáne bilimmen almasý úshin tamasha alańǵa ainaldy», - dep atap ótti «Qazaqtelekom» AQ Korporativtik ýniversitetiniń Bas direktory Iýliia Grinevich.
Uiymdastyrýshylardyń habarlaýynsha, baiqaýdyń aqtyq syny 18-19 qyrkúiekte Qaraǵandyda ótedi jáne elimizdiń túkpir-túkpirinen jeńimpaz ataǵyna talasatyn úzdik mamandardy jinaidy.
«Qazaqtelekom» AQ Kommýnikatsiialar jáne
brendti ilgeriletý departamenti
