.png)
«Qazaqtelekom» AQ klientterdi eskirgen mys jelisinen zamanaýi optikalyq talshyqqa aýystyrýda. Bul shara internetke joǵary jyldamdyq berip, turaqtylyǵy men senimdiligin arttyrady.
2025 jyly kompaniia 64000 tutynýshyny talshyqty jelige qosýdy josparlap otyr. Ol úshin otandyq óndiristiń joǵary sapaly kabeldi symy paidalanylatyn bolady. Bul jobadaǵy basty seriktesterdiń biri – Atyraý kabel zaýyty boldy. Onyń ónimderi eń joǵary sapa standartyna sai keledi.
Yntymaqtastyqty nyǵaitý aiasynda «Jeli» birlestigi» divizionynyń Jelini paidalaný jónindegi direktory Ǵazinur Raiymhanov zaýyt óndirisin kórip qaitty. Ol optikalyq kabel jasaý protsesimen tanysyp, kásiporyn ókilderimen ortaq mindet, bolashaq josparlardy talqylady.
«Biz úshin klientterge usynatyn qyzmettiń senimdiligi men sapasy negizgi basymdyq bolyp tabylady. Sondyqtan tek jiti tekserýden ótken jabdyqtar men kábil ónimderin, onyń ishinde Atyraý kábil zaýyty shyǵaratyn ónimderdi tańdaimyz», - dep atap ótti Raimhanov Gazinýr.
«Qazaqtelekom» AQ otandyq tehnologiialarǵa súiene otyryp, jelilik infraqurylymdy jańǵyrtýdy jalǵastyrýda.
«Qazaqtelekom» AQ Kommýnikatsiialar jáne
brendti ilgeriletý departamenti
