Qazaqstannyń Tuńǵysh Prezidenti Nursultan Nazarbaev Memelket basshysy Qasym-Jomart Toqaevty qoldap, onyń bastamasy boiynsha jumys isteýge shaqyrdy, - dep habarlaidy Tengrinews.kz tilshisi.
"Burynǵydai biriksek, birge bolamyz, bárin jeńemiz. Qazaqtar birikse, jeńilmeitin jaý joq ekenin tarihtan bilesiz. Sondyqtan Prezidentimizdi qoldasaq, onyń bastamalaryn qolǵa alsaq, bolashaqta tabysqa jetemiz", - dedi Nazarbaev Táýelsizdiktiń 30 jyldyǵyna arnalǵan Nur-Sultandaǵy saltanatty is-sharada.
Elbasy Táýelsizdiktiń 30 jyldyǵy Qazaqstannyń qurylý tarihyndaǵy taǵy bir mańyzdy kezeń ekenin aitty.
"Biz áli de elimiz damyp kele jatqan uzaq joldyń basynda turmyz dep sanaimyn. Máńgilikke umtylǵan, asqaq armanǵa shaqyrǵan alys saparymyz sátti bolyp, ata-baba rýhy barshamyzdy qoldap, qut-bereke serik bolsyn. HHI ǵasyr Qazaqstannyń altyn ǵasyryna ainalsyn", - dep túiindedi sózin Nursultan Nazarbaev.
