قازاقستاننىڭ تۇڭعىش پرەزيدەنتٸ نۇرسۇلتان نازارباەۆ مەمەلكەت باسشىسى قاسىم-جومارت توقاەۆتى قولداپ, ونىڭ باستاماسى بويىنشا جۇمىس ٸستەۋگە شاقىردى, - دەپ حابارلايدى Tengrinews.kz تٸلشٸسٸ.
"بۇرىنعىداي بٸرٸكسەك, بٸرگە بولامىز, بەرٸن جەڭەمٸز. قازاقتار بٸرٸكسە, جەڭٸلمەيتٸن جاۋ جوق ەكەنٸن تاريحتان بٸلەسٸز. سوندىقتان پرەزيدەنتٸمٸزدٸ قولداساق, ونىڭ باستامالارىن قولعا الساق, بولاشاقتا تابىسقا جەتەمٸز", - دەدٸ نازارباەۆ تەۋەلسٸزدٸكتٸڭ 30 جىلدىعىنا ارنالعان نۇر-سۇلتانداعى سالتاناتتى ٸس-شارادا.
ەلباسى تەۋەلسٸزدٸكتٸڭ 30 جىلدىعى قازاقستاننىڭ قۇرىلۋ تاريحىنداعى تاعى بٸر ماڭىزدى كەزەڭ ەكەنٸن ايتتى.
"بٸز ەلٸ دە ەلٸمٸز دامىپ كەلە جاتقان ۇزاق جولدىڭ باسىندا تۇرمىز دەپ سانايمىن. مەڭگٸلٸككە ۇمتىلعان, اسقاق ارمانعا شاقىرعان الىس ساپارىمىز سەتتٸ بولىپ, اتا-بابا رۋحى بارشامىزدى قولداپ, قۇت-بەرەكە سەرٸك بولسىن. ححٸ عاسىر قازاقستاننىڭ التىن عاسىرىنا اينالسىن", - دەپ تٷيٸندەدٸ سٶزٸن نۇرسۇلتان نازارباەۆ.
