Qazaqstannyń jas stsenaristeri, klipmeikerler men rejisserleri álemdik mamandardyń qyzyǵýshylyǵyn týǵyzyp otyr. Bul týraly búgin Májilistegi Úkimet saǵatynda QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
Jaman nárse bolǵan kezde, barlyǵy ákimdikter, ministrlikter men áleýmettik qyzmetter tarapynan kinálini izdeidi. Al eger azamattarymyz qandai da bir jetistikke qol jetkizse, onda adamdar buǵan tek óz eńbegimen ǵana jetti dep qaraidy. Biraq olai bolmaidy: memleket qoǵammen birge elde bolyp jatqan barlyq jaqsy jáne jaman ister úshin jaýapty. Keide aǵa býynnan jastarymyzdyń memleketke tutynýshylyq kózqarasta ekenin, bul masyldyq kóńil-kúidiń ústemdigi jáne onyń otansúigishtikke jatpaitynyn estip jatamyz. Biraq bul tolyq jaǵdaidy kórsete almaityn mikrotrendter«, - dedi D. Abaev.
Osy oraida ministr jaǵdaidy tolyq sipattaý úshin jas qazaqstandyqtardyń saýattylyq deńgeii boiynsha álemdegi alǵashqy oryndardyń birinde ekenin, bizdiń oqýshylar matematikadan, fizikadan, baǵdarlama jasaýdan álemdik olimpiadalarda eń myqtylardyń qatarynda ekenin aitý kerektigine nazar aýdartty.
»Oǵan qosa, bizdiń jas ártisterimiz, sýretshilerimiz, bishilerimiz, stsenaristerimiz, klipmeikerler men rejisserlerimiz qazir kóptegen álemdik mamandardyń qyzyǵýshylyǵyn týǵyzýda. Qazaqstandyq oqýshylardyń robototehnika boiynsha jobalary jai ǵana tehnologiialyq emes, olar, eń aldymen izgilikke baǵyttalǵan. 14 jáne 15 jas aralyǵyndaǵy jastarymyz ózender men kólderdi tazalaýdy, atmosferaǵa ziiandy zattardyń shyǵarylýyn qysqartýdy, topyraqtyń qunarlylyǵyn arttyrýdy armandaidy. Biraq olar týraly jańalyqtardy oqyǵysy keletinder az«, - dedi ol.
Mysaly, onyń dereginshe, astanalyq mektepterdiń birindegi tórtinshi synyp oqýshylarynyń tóbelesi týraly aqparatty tanymal jańalyqtar resýrstarynyń birinde 50 myńǵa jýyq qazaqstandyq oqypty. Al «Ǵylym kómegimen álemdi jaqsartýǵa umtylatyn 5 oqýshy» maqalasyn sol portalda 10 ese az oqyǵan. Biraq, shynaiy baǵaly maqala osy emes pe?«, - dedi Dáýren Abaev.
