Búgin QR Bas prokýrory Qairat Qojamjarov ujymǵa QR Bas prokýratýrasy janyndaǵy Quqyq qorǵaý organdary akademiiasynyń rektory Erǵali Merzadinovty, sondai-aq Bas áskeri prokýror Dastan Shaimerdenuly Sartaevty tanystyrdy, dep habarlaidy "Ult aqparat" vedomstvonyń baspasóz qyzmetine silteme jasap.
Memleket basshysynyń 2018 jylǵy 3 shildedegi ókimimen ádilet general-leitenanty E.Merzadinov Akademiia rektory qyzmetine taǵaiyndaldy.
E.Merzadinov 1958 jyly týǵan. S.M. Kirov atyndaǵy QazMÝ «zańger» mamandyǵy boiynsha bitirgen.
Eńbek jolyn 1982 jyly Almaty qalasynyń prokýratýra organdarynan bastady. Basshylyq laýazymda, sonyń ishinde Soltústik Qazaqstan, Qaraǵandy oblysy jáne Almaty, Astana qalalarynyń prokýrory bolǵan.
2002 jyly Ishki ister ministriniń orynbasary, 2005 jyly - QR Bas prokýrorynyń orynbasary qyzmetin atqardy.
2009 jyldyń mamyr aiynan bastap Bas áskeri prokýror laýazymynda jumys istedi.
Zań ǵylymdarynyń kandidaty. I jáne II dárejeli «Dańq» ordenimen marapattalǵan. Quqyq qorǵaý organdaryndaǵy eńbek ótili 35 jyldan asady, onyń 33 jyly prokýratýra organdarynda.
Memleket basshysynyń kelisimi boiynsha Bas prokýrordyń buiryǵymen 3 synypty ádilet keńesshisi Dastan Sartaev Bas áskeri prokýror laýazymyna taǵaiyndaldy.
Dastan Shaimerdenuly 1959 jyly týǵan. S.Kirov atyndaǵy QazMÝ «zańger» mamandyǵy boiynsha bitirgen.
Eńbek jolyn 1981 jyly Jambyl oblysy prokýratýrasy organdarynan bastady. Aýdan jáne qala prokýratýralaryna basshylyq etti. Aqtóbe, Atyraý jáne Pavlodar oblystarynyń prokýratýralaryn basqardy.
2014 jyldan bastap Mańǵystaý oblysy prokýrory laýazymynda boldy.
Zań ǵylymdarynyń kandidaty. «Qurmet» jáne II dárejeli «Dańq» ordenderimen marapattalǵan.
Prokýratýra organdaryndaǵy 36 jyl eńbek etken quraidy.
