Qazaqstannyń jalpy halyqaralyq rezervi 900 mln dollarǵa tómendedi. Bul týraly bgin Úkimet otyrysynda QR Ulttyq bank tóraǵasy Erbolat Dosaev aitty , dep habarlaidy QazAqparat.
«Altyn-valiýta rezervteri altyn baǵasynyń qorǵanysh aktiv retinde altynǵa suranystyń tómendeýi aiasynda bir ýntsiia úshin 1853 dollardan 1765 dollarǵa deiin, 5 paiyzǵa tómendeýi aiasynda altyn portfeliniń 1 mlrd AQSh dollaryna tómendeýine bailanysty biylǵy aqpanda 34,7 mlrd AQSh dollaryna deiin 830 mln AQSh dollaryna tómendedi», - dedi 2021 jyldyń qańtar-aqpanyndaǵy elimizdiń áleýmettik-ekonomikalyq damý qorytyndysy jaiynda baiandaǵan Erbolat Dosaev.
Onyń atap ótýinshe, erkin aiyrbastalatyn valiýtadaǵy aktivterdiń ósýi negizinen ekinshi deńgeidegi bankter qarajatynyń Ulttyq banktegi valiýtalyq shottarǵa 273 mln AQSh dollarynyń túsýi esebinen 178 mln AQSh dollaryn qurady.
43 mln AQSh dollary kólemindegi memlekettik boryshty tóleý jáne klientterdiń ulttyq bank shottaryndaǵy qarajatynyń azaiýy ekinshi deńgeidegi bankter qarajatynyń túsý áserin ishinara teńestirdi.
«Jalpy halyqaralyq rezervter aqpanda 92,36 mlrd AQSh dollaryna deiin 900 mln AQSh dollaryna tómendedi», - dedi Erbolat Dosaev.
