Densaýlyq saqtaý ministri Aleksei Tsoi Eýropada qazaqstandyq vaktsinatsiia pasportyn taný týraly pikir bildirdi, - dep habarlaidy Tengrinews.kz.
"Qazir biz eki el arasynda ekijaqty formatta jumys júrgizip jatyrmyz. Alty el qazirdiń ózinde moiyndady. Bizde vaktsinatsiia pasporttary boiynsha ózara taný bar. Bul - Vengriia, Kipr, Túrkiia, Tailand, Vetnam elderi. Bizdiń vaktsinatsiia pasporttarymyzdy qabyldaityn belgili elder bar. Ári qarai, bizde CoronaVac vaktsinasy bar, ony DDSU maquldaidy, eshqandai shekteý joq. Qalǵan vaktsinalar boiynsha jumystar júrgizilip jatyr. Jaqyn arada bul vaktsinalar DDSU-da shuǵyl tirkelip, jalpy tizimge enedi dep oilaimyz", - dedi Tsoi "Habar 24" telearnasynda.
Ministr eýropalyq eldermen qazaqstandyq vaktsinatsiia pasportyn taný boiynsha júrgizilip jatqan kelissózder týraly túsindirdi.
"Ár elmen ekijaqty formatta jeke júrgiziledi. Bizdiń elshilikter de osyǵan baǵyttalǵan. Syrtqy ister ministrligi pysyqtaidy. Sonyń ishinde túrli uiymdarmen, EAEO-men kelissóz júrip jatyr. Biz qazir DDSU akkreditatsiiasy bar basqa vaktsinalardy jetkizý máselesin qarastyryp jatyrmyz. Jaqyn arada olar Qazaqstanda da qoljetimdi bolady", - dep qorytyndylady densaýlyq saqtaý ministri.
