Qazirgi tańda Qazaqstannyń vaktsina pasporty úsh elge týrist retinde kirýge jaramdy.
Bul týraly Týrizm indýstriiasy komitetiniń tóraǵasy Dastan Ryspekov ortalyq kommýnikatsiialar qyzmetinde ótken brifingide aitty, dep habarlaidy "Ult aqparat".
«Jalpy qazir kóptegen elder PTR-testpen qatar vaktsinatsiia pasportymen de týristerdi qabyldaidy. Bizdiń Densaýlyq saqtaý ministrligi qazirgi kezde basqa elderdiń úkimetimen tiisti kelissóz júrgizip jatyr. Mysaly, búginde Mońǵoliia, Tailand jáne Majarstan týristerdi bizdiń vaktsinatsiia pasportymen kirgize beredi. Osyndai elderdiń sanyn kóbeitý úshin jumys júrgizilip jatyr», - deidi Dastan Ryspekov.
Sondai-aq, ol Maldiv araldarynyń biligimen de qazaqstandyq vaktsina pasporty bar týristerdi qabyldaý boiynsha kelissóz júrip jatqanyn jetkizdi.
«Qazir Maldiv araldaryna barý úshin Qazaqstan Respýblikasynyń azamattaryna mindetti túrde PTR-test qajet. Maldiv araldarynyń úkimetimen bizdiń vaktsina pasportyn qabyldaý boiynsha máseleler sheshilip jatyr. Sheshilgennen keiin PTR-testsiz-aq, vaktsina pasportymen kirýge múmkindik bolady», - dedi komitet basshysy.
