Qazaqstannyń úzdik tennisshileri Áielder tennisi qaýymdastyǵynyń (WTA) jańartylǵan reitinginde óz ornyn saqtap qaldy, dep habarlaidy "Ult aqparat" Qazaqstan tennis federatsiiasyna silteme jasap.
Qazaqstannyń birinshi raketkasy Elena Rybakina burynǵysha 19-ynshy, sondai-aq Iýliia Pýtintseva 28-inshi, Zarina Diias 81-satyda tur.
Al Jibek Qulambaeva, Ekaterina Dmitrichenko, Daria Detkovskaia jáne Galina Voskoboevanyń reitingtegi kórsetkishteri tómendedi, óitkeni olar ótken aptada upailaryn tolyqtyra alǵan joq.
WTA-nyń 25 qańtardaǵy reitingi:
1 (0). Eshli Barti (Aýstraliia) – 8717
2 (0). Simona Halep (Rýmyniia) – 7255
3 (0). Naomi Osaka (Japoniia) – 5780
4 (0). Sofiia Kenin (AQSh) – 5760
5 (0). Elina Svitolina (Ýkraina) – 5260
6 (0). Karolina Plishkova (Chehiia) – 5205
7 (0). Arina Sobolenko (Belarýs) – 4580
8 (0). Bianka Andreeský (Kanada) – 4555
9 (0). Petra Kvitova (Chehiia) – 4516
10 (0). Kiki Bertens (Belgiia) – 4505
19 (0). Elena Rybakina (Qazaqstan) – 2718
28 (0). Iýliia Pýtintseva (Qazaqstan) – 2015
81 (0). Zarina Diias (Qazaqstan) – 928
287 (-1). Anna Danilina (Qazaqstan) – 224
459. (0). Gózal Ainitdinova (Qazaqstan) – 93
628 (-3). Jibek Qulambaeva (Qazaqstan) – 53
892 (-2). Ekaterina Dmitrichenko (Qazaqstan) – 21
1104. (-5). Daria Detkovskaia (Qazaqstan) – 10
1331 (-4). Galina Voskoboeva (Qazaqstan) – 3.
Juptyq synda G.Voskoboeva 72-inshi, A.Danilina 139-ynshy, Iu.Pýtintseva 187-orynda qaldy.
Erler arasynda Kásipqoi tennisshiler qaýymdastyǵynyń (ATP) reitingisinde burynǵysha serbiialyq Novak Djokovich kósh bastasa, ispaniialyq Rafael Nadal ekinshi, aýstriialyq Dominik Tim úshinshi orynda keledi.
Qazaqstandyqtardan Aleksandr Býblik 45-inshi, Mihail Kýkýshkin 89-ornynda qalsa, jaraqatyna bailanysty jarystardan tys qalyp júrgen Dmitrii Popko 165-ten 167-ge tómendedi.
Juptyq synda M.Kýkýshkin 76-satyda qalsa, Andrei Golýbev 85-ten 88-ge, A.Býblik 88-den 89-ǵa, Aleksandr Nedovesov 133-ten 134-ke syrǵydy.
A.Nedovesov búgin Antaliiada bastalatyn chellendjer týrnirinde (júlde qory – 44820 AQSh dollary) juptyq synda baq synaidy. Ol ýkrainalyq Denis Molchanovpen birge alǵashqy ainalymda amerikalyqtar Robert Gelloýei men Aleks Loýmen sheberlik baiqasady.
