Kelesi jyly Qazaqstannyń táýelsizdik alǵanyna 30 jyl tolady. Halqymyz úshin qasietti de kieli merekege bailanysty «Sparta» KTK komandasynyń kapitany Daniiar Jumadilov 1991-2020 jyldar aralyǵynda shyrqalǵan aitýly 30 ándi bir ánge biriktirip, kóptiń nazaryna usyndy, dep habarlaidy "Ult aqparat".
Ekrandaǵy rolikte áýeli «Táýelsizdik alǵaly beri mýzykalyq indýstriia birneshe satyny basyp ótti» degen jazý shyǵady. Osydan keiin ártis 1991-2020 jyldar aralyǵyndaǵy otandyq estrada juldyzdarynyń ánderin shyrqai bastaidy.
«Qazaqstanda 30 jyldyń ishinde kóptegen oqiǵa bolǵanynan habardarsyzdar. Sol jyldardyń bári de ánshilerdiń áninde kórinis taýyp jatty. Men 30 ándi bir ánge biriktirdim. Bul týyndylardy meniń bala shaǵymnan er jetkenge deiin tyńdap óstim. Kelesi jyly Qazaqstannyń Táýelsizdik alǵanyna 30 jyl tolady. Osy aitýly merekeniń qurmetine myna videorolikti tartý eteiin dep sheshtim. Sizderge unaitynyna senimdimin», - dep jazdy Daniiar Jumadilov Instagram paraqshasynda.
Bul joba boiynsha shyǵarmashylyq top birneshe ai boiy jumys istepti. Videorolikte toqsanynshy jyldardan bergi qazaq jáne orys tilderiniń ánderi biriktirilgen. Ánder toptamasynyń ishinen Roza Rymbaevanyń «Qazaq eli», ABK tobynyń «Tamshylar», Miýzikl toby men Batyrhan Shúkenovtyń «Pevitsa i Saksafon» ánin, Murat Nasyrovtyń «Ia eto ty», sondai-aq «Qurbym, jan qurbym» sekildi el ishinde taraǵan ánderdi tanýǵa bolady.
Videorolik qazirdiń ózinde 145 myń ret qaralǵan. 1600-den astam adam óz pikirin qaldyryp, ártiske alǵys aitýda.
