QR Premer-Ministriniń orynbasary – Syrtqy ister ministri Muhtar Tileýberdiniń tóraǵalyǵymen sheteldik investitsiialardy tartý máseleleri boiynsha Qazaqstannyń shet elderdegi mekemeleriniń basshylarymen onlain-kezdesý ótti, dep habarlaidy "Ult aqparat".
QR SIM-nen málim etkendei, sondai-aq is-sharaǵa beiindi jáne salalyq ministrlikterdiń, «Astana halyqaralyq qarjy ortalyǵy» AQ basshylyǵy jáne «Kazakh Invest» AQ-nyń shet elderdegi ókilderi qatysty.
Is-shara barysynda SIM basshysy elimizge tartylatyn tikelei sheteldik investitsiialar kólemin 2025 jylǵa qarai 30 mlrd AQSh dollaryna deiin ulǵaitý jónindegi mindetter turǵysynan sheteldik mekemelerdiń investitsiialyq baǵyttaǵy jumysyn kúsheitý men jandandyrýdyń mańyzdylyǵyna nazar aýdardy. Osy turǵyda diplomatiialyq ókildikterdiń jumysy jyl qorytyndysy boiynsha negizgi kórsetkishterge qol jetkizý, onyń ishinde qabyldanǵan eldik investitsiialyq baǵdarlamalar sheńberinde baǵalanatyn bolady.
Dipmissiia basshylary investorlarmen jumys isteý jáne 2021 jylǵy 26 qańtarda Úkimettiń keńeitilgen otyrysy sheńberinde Memleket basshysynyń tapsyrmasy boiynsha ázirlengen eldegi investitsiialyq jobalardy súiemeldeý jónindegi jańa tásildermen, sondai-aq ortalyq memlekettik organdardyń, jergilikti atqarýshy organdar men ulttyq kompaniialardyń birinshi basshylarynyń orynbasarlaryna investitsiia tartý máselelerin bekitýmen egjei-tegjeili tanysty.
Vedomstvoaralyq ózara is-qimyldy odan ári kúsheitý jáne elshilikterdiń jumysyn úilestirý úshin investitsiialyq-ekonomikalyq trekte beinebailanys arqyly sheteldik mekemelerdiń beiindi vedomstvolarmen, ákimdiktermen jáne uiymdarmen turaqty negizde nysanaly kezdesýler ótkizý týraly sheshim qabyldandy.
