Elimizdiń memlekettik shekaralarynda ornalasqan ótkizý beketterinde sanitarlyq-karantindik pýnkter qurylady, dep habarlaidy "Ult aqparat" QR Indýstriia jáne infraqurylymdyq damý ministrligine silteme jasap.
«QR Indýstriia jáne infraqurylymdyq damý ministrligi Ulttyq qaýipsizdik komitetiniń Shekara qyzmetimen birlese otyryp, Qazaqstan Respýblikasynyń memlekettik shekarasyndaǵy ótkizý beketterinde sanitarlyq-karantindik pýnkterdi qurý sharalaryn qolǵa aldy.
Arnaiy karantindik aimaqtar qurylatyn ótkizý beketteriniń tizimin QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiia bekitetin bolady. Budan bólek, jekelegen ótkizý pýnkterin ýaqytsha jabý múmkindigi qaralmaq», - delingen vedomstvo aqparatynda.
Búginde Qazaqstannyń memlekettik shekarasynda barlyǵy 51 ótkizý beketi bar. Onyń 37-si Eýraziialyq ekonomikalyq odaq elderiniń (Resei Federatsiiasy, Qyrǵyzstan Respýblikasy) shekarasynda, 14-i Qytai Halyq Respýblikasymen, Ózbekstan jáne Túrikmenstanmen shekarada ornalasqan.
