Búgin, 20 tamyzda QR Ulttyq Paralimpiada qurama komandasy Tokio qalasyna attandy, dep habarlaidy "Ult aqparat".
Qazaqstan Respýblikasy Ulttyq Paralimpiada Komiteti baspasóz qyzmetiniń habarlaýynsha, XVI jazǵy Paralimpiada oiyndary 24 tamyz – 5 qyrkúiek aralyǵynda ótedi.
Qazaqstan tarapynan: Siiazbek Daliev, Nuráli Sovetqanov, Zýlfiia Gabidýlina, Roman Agalakov, Aliia Rahymbekova, Nurdaýlet Jumaǵali, Erjan Sálimgereev (para júzý), Dastan Muqashbekov, Saltanat Ábilqasymqyzy (para jeńil atletika), Amanjol Janbota, Zarina Baibatina, Dáýlet Temirjan, Daiana Fedosova, Anýar Sariev, Ǵalymjan Smaǵululy (para dziýdo), Spatai Bibarys (para kanoe), Nurlan Dombaev, Nyshan Ómiráli, Kámilia Dosmalova (para taekvondo), David Degterev, Raýshan Qoishybaeva, Rahmedjan Hamaev, Gúlbaný Abdyhalykova, Alina Solodýhina (para paýerlifting) jáne Aisulý Jumabaeva (para nysana atý) qatysady.
Oǵan qosa, Halyqaralyq Paralimpiada komitetiniń (HPK) sheshimimen qazaqstandyq paradziýdoshy Erlan Ótepovke (100 kg) Paralimpiada oiyndaryna qosymsha joldama berildi. Erlan Ótepov - paradziýdodan halyqaralyq dárejedegi sport sheberi, Aziia jáne Okeaniia chempionatynyń jeńimpazy 2019.
«Tokio - 2020 Paralimpiada oiyndaryna 7 sport túrinen 26 sportshymyz qatysady. Tokio aldynda atletter eki aptalyq karantinde bolyp, sońǵy jattyǵý jiyndaryn Almaty men Almaty oblysynda ótkizdi. Oiyn qarsańyndaǵy sońǵy kúnderdi sportshylar oqshaýlaný rejiminde ótkizip, syrtqy álemmen bailanysqa túsken joq. Osy rejimdi saqtap Tokio oiyndaryna qaýipsiz jetýge úlken kómek kórsetken Eir Astana kompaniiasyna úlken rizashylyǵymyzdy bildiremiz», deidi Ulttyq Paralimpiada Komitetiniń bas hatshysy Erlan Sýleimenov.
